آپ کا مہینہ کیسا گزرے گا؟

دُکھ دوسروں کے ساتھ شیئر کرنے سے کم ہوتے ہیں،جبکہ خوشیاں شیئر کرنے سے بڑھتی ہیں۔لوگوں کے ساتھ اپنے مسائل ڈسکس کریں،آپ کو مفید مشورے ملیں گے،مخلص لوگ آپ کی عملی مدد کے لئے بھی تیار ہو جائیں گے۔ٹھیک ہے آپ اپنی ذات میں ایک جزیرہ ہیں،لیکن آپ اُس سمندر کا حصہ بھی تو ہیں جس میں اور بھی چھوٹے چھوٹے جزیرے موجود ہیں۔
اگر آپ چاہتے ہیں کہ لوگ آپ کو لیڈر مانیں تو انہیں اپنی شخصیت سے متاثر کریں،ان پر بے جا حکم نہ چلائیں۔اگر آپ انہیں متاثر کرنے میں کامیاب ہو گئے تووہ خود بخود آپ کے حکم کا انتظار کریں گے۔اکثر لوگوں کی یہ فطری خواہش ہوتی ہے کہ وہ کسی سے متاثر ہوں اور پھر اس کے گُن گائیں۔
اگرآپ کا خیال یہ ہے کہ کچھ لوگ آپ کو دل سےپسند نہیں کرتے توکچھ دیر کے لیے خود کو اُن کی جگہ پر رکھ کر سوچیں کہ آپ کا کونسا طرزِعمل ناقابلِ برداشت ہے۔یاد رکھیں کہ دنیا باہمی تعاون کی بنیاد پر چل رہی ہے۔اگر آپ کو اپنا طرزِ عمل بدلنا بھی پڑے تودوسروں کی نظروں میں بلند مقام پانے کے لئے،ایسا کر گزرئیے۔
آپ کو اپنی روزمرہ کی روٹین پرنظرثانی کرنی چاہیے،اگر آپ اپنے ٹائم ٹیبل پر کنٹرول حاصل کر لیں اور موڈ کی غلامی سے نکل آئیں،تو آپ کو بہت سا ایکسٹرا وقت مل سکتا ہے۔اس ایکسٹرا وقت کو آپ کسی تعمیری کام میں صرف کریں توآپ کی زندگی بدل سکتی ہے۔وقت کا بہترین استعمال ،ہر کامیابی کا گُر ہے۔
صبح جلد اٹھنے کی عادت اپنائیں،اُس وقت فضا کائناتی انرجی سےبھرپور ہوتی ہے،ان لمحات میں یہ تصور ذہن میں رکھیں کہ کائناتی انرجی آپ کے جسم میں داخل ہو رہی ہے اور آپ کے جسمانی،روحانی اور نفسیاتی مسائل کو حل کر رہی ہے۔
رات کو سات بادام بھگو کر رکھ دیں۔صبح نہار منہ کھا لیاکریں۔دماغی کارکردگی میں بھی اضافہ ہو گا،اوراگر بالوں کے مسائل سے دوچار ہیں تو چند ماہ میں بال گرنا بھی بند ہو جائیں گےاور سفید بال کالے بھی ہو جائیں گے۔
کھلی ہوا میں چند منٹ گہرے سانس لیناآپ کے لئے نہایت مفید ہے۔اس سے جسم میں موجود خون صاف ہو گا اور آپ فریش بھی لگیں گے۔


 
 
 
ہوم پیج دیگر منتخب آرٹیکلز

ریما خان کا بُرج
پاکستان کی فلم انڈسٹری پر سالوں تک راج کرنے والی بہترین اداکارہ ریما آج بھی اتنی ہی مقبول ہیں۔ ریما کا انداز بیان اور اداکاری دونوں ہی میں شائقین کھو جا یا کرتے تھے۔ انکی اردو کی ادائیگی اور شاعری کا انداز آج تک لوگ سننے کی فرمائش کرتے ہیں۔ 1990 سے لیکر 2008 تک انھوں نے ایک کے بعد ایک کامیاب ترین فلموں میں کام کیا۔ لیکن 2011 میں انکی آخری فلم " لومیں گم" بری طرح فلاپ ہوئی اور انکی رپیوٹیشن کو خاصا متاثر بھی کیا۔ تبھی ریما نے اداکاری چھوڑ دی اور امریکہ کے ڈاکٹر طارق صاحب سے شادی کرنے کا فیصلہ کر لیا۔ انکا کہنا تھا کہ میرا دل اتنا ٹوٹا ہے کہ اب مجھے ایک دل کے ڈاکٹر کی ضرورت ہے۔ شکر ہے دل ہی ٹوٹا تھا جوتا ٹوٹتا تو شاید موچی سے شادی کر لیتی۔
ریما کو شادی کے بعد بھی کئی آفر ز آئیں ، پڑوسی ملک نے بھی انکو آفر ز دیں، لیکن ریما نے انھیں بھی منع کر دیا۔ انکا کہنا تھا کہ پاکستانی لوگ انڈیا کی فلمیں دیکھنا تو پسند کرتے ہیں لیکن اگر وہی کردار پاکستانی ایکٹرز ادا کریں تو ا نھیں بے عزت کر دیا جاتا ہے۔ ریما نے سادہ، شوبز سے دور امریکہ میں عام زندگی کو ترجیح دی ہے۔ سننے میں آیا ہے کہ دوبارہ ڈرامہ انڈسٹری کیطرف آرہی ہیں۔ انھیں اب مختلف ایونٹس میں انکی خدمات کی وجہ سے بلایا جاتا ہے۔
تاریخ پیدائش اور بُرج
تاریخ پیدائش: 27 نومبر 1971ء (عمر47 سال)۔ مقام: لاہور، پاکستان
آئیے ذرا ریما خان کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس کے لوگ مزاح میں بہت اچھے ہوتے ہیں۔ جسکےساتھ بیٹھتے ہیں، محفل جمالیتے ہیں۔ انتہائی ملنسار سی طبیعت رکھتے ہیں۔ لیکن انھیں کچھ بھی بول دینے کی عادت ہوتی ہے، چاہے اس بات کیوجہ سے کتنا ہی نقصان ہو۔ اتنا کام نہیں کرتے جتنے وعدے کر لیتے ہیں۔ انھیں اپنے قول و فعل پر نظر رکھنے کی ضرورت ہے۔
ریما خان میں یہ تمام اوصاف موجود ہیں۔

 

ٹیلرسوئفٹ کا بُرج
لوگ انہیں ٹی سوفٹی بھی کہتے ہیں۔ انکی آواز نے ہر کسی کو جھومنے پر مجبور کیا اور آج بہترین سنگرز میں انکا شما ر ہوتا ہے۔ ٹیلر کو ہر قسم کا میوزیکل انسڑومنٹ بجانا آتا ہے خواہ وہ پیانو ہو، گٹارہو یا الیکٹرک گٹار ہو۔ اپنے گانے بھی خود لکھ لیتی ہیں۔ خوبصورتی اور ہنر دونوں میں ہی انکا کوئی ہم پلہ نہیں۔
یہ خاتون گھڑسواری کے مقابلوں میں بھی حصہ لیتی ہیں۔ لیکن انھیں ایک چیز سے بہت ڈر لگتا ہے اور وہ ڈرائیونگ ہے۔ تین بار ایکسڈینٹ ہوا جسکی وجہ سے ٹیلر کے دل میں خوف بیٹھ گیا ہے۔ ٹیلر نے آج تک جسم پر کوئی ٹیٹو نہیں بنوایا کیونکہ انکا ماننا ہے کہ پوری زندگی وہ کوئی نشانی ساتھ لیکر نہیں چل سکتی۔ صرف ان مردوں سے تعلق رکھنا پسند کرتی ہیں، جنکا تعلق موسیقی سے ہو۔ انکی بہترین دوست بھی سنگر سلینا گومز ہیں۔ فیشن کی طرف آیا جائے تو خاتون کو پرانا فیشن پسند ہے، وہی سرخ لپ سٹک اور بھرا ہوا مسکارا۔ انکا اپنا نرالا انداز ہے جو کہ کسی کا محتاج نہیں۔
تاریخ پیدائش اور بُرج
تاریخ پیدائش: 13 دسمبر 1989ء (عمر29 سال)۔ مقام: پنسلوینیا
آئیے ذرا ٹیلر سوئفٹ کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس کے لوگوں کی طرف رخ کیا جائے تو ان لوگوں میں سخاوت کوٹ کوٹ کر بھری ہوئی ملتی ہے۔ انکا انداز نرالا ہوتا ہے۔ لیکن یہ لوگ بڑی بڑی پھینکتے ہیں۔ اتنا کرتے نہیں، جتنی ڈینگیں مار بیٹھتے ہیں۔ بے صبرے سے ہوتے ہیں صبر نہیں کر پاتے، جسکی وجہ سے الجھے رہتے ہیں۔ اگر یہ لوگ ان خامیوں پر قابو پالیں تو اچھی زندگی گزار سکتے ہیں۔
ٹیلرسوئفٹ میں یہ تمام اوصاف دیکھے جاسکتے ہیں۔


اپنے تاثرات بیان کریں !