Panda Security - Antivirus & VPN WW

آپ کا مہینہ کیسا گزرے گا؟

دنیا کا کوئی مسئلہ ایسا نہیں جس کا حل نہ ہو۔پلاننگ کریں،محنت کریں،دعا کریں،اور نتیجہ خدا پر چھوڑ دیں۔ ناکامی پر دل نہ ہاریں۔دنیا آپ کی توقع سے زیادہ وسیع ہے۔بے شمار مواقع ابھی بھی آپ کے منتظر ہیں۔ محنت جاری رکھیں،اچھا وقت آنے والا ہے۔
آپ کے ذہن میں بہت سے منصوبے ہیں،آپ بہت کچھ کرنا چاہتے ہیں۔لیکن سارے منصوبے اکٹھے شروع کرنا عقلمندی نہیں ہے،ان سب کو پایہ تکمیل تک پہنچانا بہت مشکل ہو جائے گا۔یہ چیز اہم نہیں ہوتی کہ زندگی میں آپ کیا کچھ شروع کرتے ہیں،اہم چیز یہ ہے کہ زندگی میں آپ کیا کچھ مکمل کرتے ہیں۔
زندگی کے نشیب وفراز نے آپ کو ایک معاملہ فہم انسان بنا دیا ہے۔آپ اپنا اچھا برا خوب سمجھتے ہیں۔آپ میں بگڑے معاملات کو سنبھالنے کی خداداد صلاحیت پیدا ہو چکی ہے۔فطرت کے اصولوں اور قوانین کو سمجھیں اور ان کومت توڑیں۔آنے والا وقت آپ کا ہے۔
کامیابی کے کئی باپ ہوتے ہیں،جبکہ ناکامی یتیم ہوتی ہے۔ہر شخص کامیاب آدمی کی طرف ہی دوستی کا ہاتھ بڑھاتا ہے۔یہی دنیا کا اصول ہے۔آپ کو چاہیے کہ اپنی کامیابی کے لئے پلاننگ کریں اور پھرکام پر جُت جائیں۔کوئی قوت آپ کو کامیاب ہونے سے نہیں روک سکتی۔
اگر آپ زیادہ ٹی وی دیکھتے ہیں توآپ آہستہ آہستہ عملیت پسندی سے دور ہوتے جائیں گے۔شوبز محض کاغذی پھول ہے،حقیقی زندگی اس سے بہت مختلف ہے۔اُس دنیا میں ہیرو کوئی اور ہے،جبکہ اپنی زندگی کے ہیرو تو آپ خود ہیں،آپ کی زندگی بذاتِ خود ایک سٹوری ہے،جسے خدا نے تحریر کیا ہے،اور اس سٹوری میں کامیڈی ،ٹریجڈی ،ایڈونچر ،سسپنس سب کچھ ہے۔
اگر چھوٹے بچے آپ سے مل کر خوشی محسوس کرتے ہیں ،توآپ کامیاب ہیں۔بچے جنت کے پھول ہیں،ان سے پیار کرنا چاہیے۔
آپ آخری دفعہ کب ہنسے تھے؟اگر اس کو کئی دن گزر چکے ہیں تو آپ اپنے ساتھ زیادتی کر رہے ہیں۔

Panda Security - Antivirus & VPN WW