Gسے شروع ہونے والے ناموں کا مزاج
جن افراد کا نام G سے شروع ہوتا ہے، ان میں مندرجہ ذیل خصوصیات پائی جاتی ہیں:
- یہ بڑے محنتی اور عملی انسان ہوتے ہیں۔
- یہ دانشور اور صاحب علم ہوتے ہیں۔
- یہ افراد تنہائی پسند، گوشہ نشین اور خلوت گزین ہوتے ہیں۔
- یہ لوگ اپنے احساسات اور عقائد پر مضبوطی سےقائم رہتے ہیں۔
- ایک منفی جی (G)سرکش، خودرائے، مغمو م، پراسرار اور حددرجہ حساس ہوسکتا ہے۔
- ان میں منصوبے بنانے کا رجحان پایا جاتا ہے۔
- ان کی قوت ارادی بڑی مضبوط ہوتی ہے اور وہ زبردست مشکلات کے باوجود اپنے نصب العین کے حصول کے لیے کوشاں رہتے ہیں۔
- وہ احتیاط اور سوجھ بوجھ سے کام لیتے ہیں اور خوب اچھی طرح سوچ بچار کرنے کے بعد کوئی قدم اٹھاتے ہیں۔
- وہ مزاجاً اقتدار پسند ہوتے ہیں اور اپنے اقتدار و اختیار کو عمدگی سے نافذ کرنے کی صلاحیت رکھتے ہیں۔
- ان میں لوگوں اور چیزوں کو پرکھنے اور ان کے متعلق رائے قائم کرنے کی غیر معمولی صلاحیت ہوتی ہے۔ اس صلاحیت کی وجہ سے وہ بعض اوقات کسی ناپسندیدہ شخص یا بات کی پرزور حمایت شروع کردیتے ہیں جس سے دوسرے لوگ اکثر اوقات ان کے متعلق غلط فہمی میں مبتلا ہو کر ان کے دشمن بن جاتے ہیں۔
- ان کی فطرت کا اہم ترین وصف ضبط و احتیاط ہے مگر یہ بھی حقیقت ہے کہ وہ کسی بھی مسئلے پر اپنی رائے صاف اور واضح لفظوں میں ظاہر کرنے سے کبھی نہیں جھجکتے ، خواہ اس میں ان کا اپنا نقصان ہی کیوں نہ ہو۔
- وہ اپنی غیر معمولی احتیاط کےباعث آسانی سے دوسروں کے دوست نہیں بنتے۔ تاہم جن لوگوں کے ساتھ ان کے دوستانہ مراسم ہوتے ہیں ، وہ ان کے بڑے وفادار ثابت ہوتے ہیں۔
- وہ اپنے دشمنوں کے ساتھ بڑی سختی اور بے رحمی سے پیش آتے ہیں۔
- وہ عموماً قدامت پرست، جفاکش، فرض شناس، قابل اعتماد، دیانتدار ،مضبوط قوت ارادی کے مالک اور عمل پسند ہوتے ہیں۔
- وہ سفارش سے نفرت کرتے ہیں مگر احسان کا بدلہ چکانے کے لیے بے چین رہتے ہیں۔
دیگر حروف
علامہ اقبال کا بُرج
علامہ محمد اقبال جنھیں شاعر مشرق بھی کہا جاتا ہے، نہایت معروف شاعر، فلسفی، سیاست دان، بیرسٹر اور سکا لر تھے۔ پاکستان کی آزادی میں انکا بہت بڑا ہاتھ ہے، تبھی تو انھیں "پاکستا ن کا روحانی باپ" کہا جاتا ہے۔ اقبال نہ صرف پاکستان کے لیے با عث فخر ہیں بلکہ کنگ جارج جیسے لوگوں نے بھی انھیں مدعو کیا اور سر کا خطاب دیا۔ اردو اور فارسی میں انھوں نے اپنے قلم کے ذریعے لوگوں کی رہنمائی کی، جسکی بنا پر انھیں مفکر پاکستان اور حکیم الامت کہا گیا۔ عربی میں بھی انکا کام قابل تعریف ہیں۔
انکی پہلی کتاب اسرار خودی فارسی زبا ن میں تھی جسکی کئی زبانوں میں تشریح ہوئی۔ انھوں نے جرمنی میں بھی کافی ٹائم گزارا اور تبھی انکی یاد میں وہاں اقبال کے نام سے ایک سٹریٹ بھی ہے، جو علامہ اقبال کی یاد کو آج بھی تازہ کرتی ہے۔ مغربی تعلیم حاصل کرنے کے باوجودعلامہ اقبال اسلام کی تعلیمات میں کافی سخت تھے اور ہمیشہ اسلام کواسکی صحیح تعلیمات کیساتھ فروغ دینے کی کوشش کرتے رہے۔ اقبال صاحب نے تین شادیاں کی۔ پہلی شادی 1895 میں کریم بی بی سے کی، اسکے بعد سردار بیگم اور پھر مختار بی بی انکی زوجیت میں آئیں۔
تاریخ پیدائش اور بُرج
تاریخ پیدائش: 9 نومبر 1877ء۔ مقام: سیالکوٹ، پاکستان
آئیے ذرا علامہ محمد اقبال کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج عقرب ہے۔ برج عقرب کے لوگ کافی بہادر ہوتے ہیں، ان سے بہتر سچا دوست کوئی نہیں ہوتا۔ انکے پاس اتنے وسائل ہوتے ہیں کہ ہر چیز کا حل نکا ل لیتے ہیں۔ جوش و جذبے کے اعتبار سے یہ کافی مکمل ہوتے ہیں۔ لیکن ان کی طبیعت میں تشدد شامل ہوتا ہے۔ اپنے پیاروں کے معاملے میں بڑے محتاط رہتے ہیں۔
علامہ محمد اقبال میں یہ تمام خوبیاں دیکھی جا سکتی ہیں۔
بروس لی کا بُرج
جئن فئن لی چینی اداکار تھے جو کہ بروس لی کے نام سے مشہور ہوئے۔ بروس لی کو مارشل آرٹ میں کمال حاصل تھا۔ ان کی کمال خوبی یہ تھی کہ وہ ایک دن میں 5000 بار مکا مارنے کی مشق کرتے، وہ بھی الگ الگ انداز میں۔ نو عمری میں بروس لی کا اپنا "ٹائیگر آف جنکشن سٹریٹ" نامی گینگ بھی تھا، جس کے وہ لیڈر تھے۔ بروس لی نے اپنی زندگی میں صرف ایک لڑائی ہاری وہ بھی 13 سال کی عمر میں۔ بروس لی کی خواہش تھی کہ وہ محمد علی کے ساتھ ایک لڑائی لڑیں مگر ان کی یہ خواہش پوری نہ ہو سکی۔ بروس لی مشہور باسکٹ بال کھلاڑی کریم عبدلجبار کے استاد تھے۔ بروس لی کو پانی سے نفرت تھی اور نہ ہی انہوں نے کبھی تیراکی کی۔ بروس لی کا شمار نظر کے لیز استعمال کر نے والے ابتدائی لو گوں میں ہوتا ہے۔
بروس لی کی شادی "لینڈہ لی" نامی لڑکی سے ہوئی۔ بعد ازاں ان کو اپنی ایک ساتھی اداکارہ "ٹینگ پائی" سے بھی محبت ہو گئی مگر ان کی اس محبت کو کوئی منزل نہ مل سکی جس کی وجہ ان کی شادی تھی۔ بروس لی کی موت کے بارے میں بہت سی افواہیں مشہور ہیں مگر ان کی موت کی وجہ ان کی دماغی بیماری تھی۔ بروس لی نے جب فلمی دنیا میں قدم رکھا تب ان کی عمر صرف 3 ماہ تھی۔ بروس لی نے "سائیلنٹ فلیٹ" نامی ایک فلم بھی لکھی جو کہ ان کی زندگی میں نہ بن سکی۔ بلاشبہ بروس لی نے مختصر مگر شاندار زندگی گزاری۔
تاریخ پیدائش اور بُرج
تاریخ پیدائش: 27 نومبر 1940ء۔ مقام: سان فرانسسکو، امریکہ
آئیے ذرا بروس لی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس سے تعلق رکھنے والے لوگ عموما ً امید سے بھر پور، مزاحیہ، سخی دل، بہادر، بے خوف، عقل مند اور روشن ضمیر ہوتے ہیں مگر ان کی بری عادت خود کو ہر معاملہ میں صحیح ثابت کرنا ہے۔ اگر بروس لی کی زندگی کا مطالعہ کیا جائے تو معلوم ہوتا ہے کہ ان کے برج کے متعلق بتائی گئی باتیں درست ہیں۔