Qسے شروع ہونے والے ناموں کا مزاج
جن افراد کا نام Q سے شروع ہوتا ہے، ان میں مندرجہ ذیل خصوصیات پائی جاتی ہیں:
- یہ افراد صاحب وجدان ہوتے ہیں۔
- وہ روپے پیسے کے معاملے میں بڑے محتاط ہوتے ہیں۔
- وہ اکثر پس پروہ اور مخفی چیزوں میں دلچسپی لینے والے ہوتے ہیں۔
- یہ لوگ خیالات میں غیر مستقل اور کمزور قوتِ فیصلہ کے مالک ہوتے ہیں۔
- ایک منفی کیو( Q) تفصیلات کو نظر انداز کرسکتا ہے۔
- سوچ بچار اور دیگر صلاحیتوں کی بدولت وہ اپنے کاموں کو زیادہ آسانی، زیادہ تیزی اور زیادہ موثر طریقوں سے نمٹانے کے ڈھنگ سیکھ لیتے ہیں۔
- وہ عام کاموں کو بھی نئے انداز میں انجام دینے کے نئے نئے طریقے اور نئے نئے اسلوب اختیار کرلیتے ہیں اور اس طرح بعض اوقات اپنی موجدانہ صلاحیتوں کا بھی اظہار کرتے ہیں۔
- انکا مزاج اعلیٰ تعلیم کے لیے بہت موزوں ہوتاہے۔
- وہ ترقی کے مواقع سے کافی فائدہ اٹھاسکتے ہیں۔
- وہ تقریباً ہر قسم کے ادبی اور دفتری کام کرسکتے ہیں۔
- ان کی قوت استدلال ان کے عمدہ ذہن اور غور و فکر کی بدولت خاصی اچھی ہوجاتی ہے۔
- ان کی تحریر و تقریر میں قلم اور زبان کی روانی دوسروں کے لیے رشک اور حیرت کا باعث بنتی ہے۔
- وہ غیر ملکی زبانیں اورسائنسی علوم جلد سیکھ لینے کی صلاحیت رکھتے ہیں۔
- وہ ہر فن مولا ہوتے ہیں اور مختلف کاموں میں بہت جلد مہارت حاصل کرلیتے ہیں۔
- ان میں خیالات کو ایک جگہ رکھنے اور استقامت کا جذبہ قدرے کمزور ہوتا ہے۔
- انکے عزائم اور جذبات متزلزل اور متغیر رہتے ہیں یہاں تک کہ اگر وہ کسی سے شدید محبت بھی کریں گے تو اس شدید محبت میں بھی استقلال نہ ہوگا۔
- انہیں بعض اوقات خود اپنے آپ پر یقین اور اعتماد نہیں رہتا اور اسی بے یقینی کی کیفیت میں انکی طرف سے متضاد نوعیت کے خیالات کا اظہار ہوتا ہے۔
- وہ بعض اوقات معمولی معمولی باتوں پر بھی سخت پریشان ہوجاتے ہیں اور ایسے میں کوئی شخص انکی کسی بات پر ذرا سی برہمی کا اظہار بھی کردے تو وہ یوں بھڑک اٹھتے ہیں جیسے وہ شخص انکی زبردست توہین و تذلیل کا ارتکاب کر بیٹھا ہے۔
- وہ رحم دل، شفیق اور ہمدردی رکھنے والے تو ہوتے ہیں مگر انکی رحمدلی، شفقت اور ہمدردی انکے دوسرے کاموں کی طرح وقتی جذبے کا نتیجہ ہوتی ہے۔
دیگر حروف
علامہ اقبال کا بُرج
علامہ محمد اقبال جنھیں شاعر مشرق بھی کہا جاتا ہے، نہایت معروف شاعر، فلسفی، سیاست دان، بیرسٹر اور سکا لر تھے۔ پاکستان کی آزادی میں انکا بہت بڑا ہاتھ ہے، تبھی تو انھیں "پاکستا ن کا روحانی باپ" کہا جاتا ہے۔ اقبال نہ صرف پاکستان کے لیے با عث فخر ہیں بلکہ کنگ جارج جیسے لوگوں نے بھی انھیں مدعو کیا اور سر کا خطاب دیا۔ اردو اور فارسی میں انھوں نے اپنے قلم کے ذریعے لوگوں کی رہنمائی کی، جسکی بنا پر انھیں مفکر پاکستان اور حکیم الامت کہا گیا۔ عربی میں بھی انکا کام قابل تعریف ہیں۔
انکی پہلی کتاب اسرار خودی فارسی زبا ن میں تھی جسکی کئی زبانوں میں تشریح ہوئی۔ انھوں نے جرمنی میں بھی کافی ٹائم گزارا اور تبھی انکی یاد میں وہاں اقبال کے نام سے ایک سٹریٹ بھی ہے، جو علامہ اقبال کی یاد کو آج بھی تازہ کرتی ہے۔ مغربی تعلیم حاصل کرنے کے باوجودعلامہ اقبال اسلام کی تعلیمات میں کافی سخت تھے اور ہمیشہ اسلام کواسکی صحیح تعلیمات کیساتھ فروغ دینے کی کوشش کرتے رہے۔ اقبال صاحب نے تین شادیاں کی۔ پہلی شادی 1895 میں کریم بی بی سے کی، اسکے بعد سردار بیگم اور پھر مختار بی بی انکی زوجیت میں آئیں۔
تاریخ پیدائش اور بُرج
تاریخ پیدائش: 9 نومبر 1877ء۔ مقام: سیالکوٹ، پاکستان
آئیے ذرا علامہ محمد اقبال کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج عقرب ہے۔ برج عقرب کے لوگ کافی بہادر ہوتے ہیں، ان سے بہتر سچا دوست کوئی نہیں ہوتا۔ انکے پاس اتنے وسائل ہوتے ہیں کہ ہر چیز کا حل نکا ل لیتے ہیں۔ جوش و جذبے کے اعتبار سے یہ کافی مکمل ہوتے ہیں۔ لیکن ان کی طبیعت میں تشدد شامل ہوتا ہے۔ اپنے پیاروں کے معاملے میں بڑے محتاط رہتے ہیں۔
علامہ محمد اقبال میں یہ تمام خوبیاں دیکھی جا سکتی ہیں۔
بروس لی کا بُرج
جئن فئن لی چینی اداکار تھے جو کہ بروس لی کے نام سے مشہور ہوئے۔ بروس لی کو مارشل آرٹ میں کمال حاصل تھا۔ ان کی کمال خوبی یہ تھی کہ وہ ایک دن میں 5000 بار مکا مارنے کی مشق کرتے، وہ بھی الگ الگ انداز میں۔ نو عمری میں بروس لی کا اپنا "ٹائیگر آف جنکشن سٹریٹ" نامی گینگ بھی تھا، جس کے وہ لیڈر تھے۔ بروس لی نے اپنی زندگی میں صرف ایک لڑائی ہاری وہ بھی 13 سال کی عمر میں۔ بروس لی کی خواہش تھی کہ وہ محمد علی کے ساتھ ایک لڑائی لڑیں مگر ان کی یہ خواہش پوری نہ ہو سکی۔ بروس لی مشہور باسکٹ بال کھلاڑی کریم عبدلجبار کے استاد تھے۔ بروس لی کو پانی سے نفرت تھی اور نہ ہی انہوں نے کبھی تیراکی کی۔ بروس لی کا شمار نظر کے لیز استعمال کر نے والے ابتدائی لو گوں میں ہوتا ہے۔
بروس لی کی شادی "لینڈہ لی" نامی لڑکی سے ہوئی۔ بعد ازاں ان کو اپنی ایک ساتھی اداکارہ "ٹینگ پائی" سے بھی محبت ہو گئی مگر ان کی اس محبت کو کوئی منزل نہ مل سکی جس کی وجہ ان کی شادی تھی۔ بروس لی کی موت کے بارے میں بہت سی افواہیں مشہور ہیں مگر ان کی موت کی وجہ ان کی دماغی بیماری تھی۔ بروس لی نے جب فلمی دنیا میں قدم رکھا تب ان کی عمر صرف 3 ماہ تھی۔ بروس لی نے "سائیلنٹ فلیٹ" نامی ایک فلم بھی لکھی جو کہ ان کی زندگی میں نہ بن سکی۔ بلاشبہ بروس لی نے مختصر مگر شاندار زندگی گزاری۔
تاریخ پیدائش اور بُرج
تاریخ پیدائش: 27 نومبر 1940ء۔ مقام: سان فرانسسکو، امریکہ
آئیے ذرا بروس لی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس سے تعلق رکھنے والے لوگ عموما ً امید سے بھر پور، مزاحیہ، سخی دل، بہادر، بے خوف، عقل مند اور روشن ضمیر ہوتے ہیں مگر ان کی بری عادت خود کو ہر معاملہ میں صحیح ثابت کرنا ہے۔ اگر بروس لی کی زندگی کا مطالعہ کیا جائے تو معلوم ہوتا ہے کہ ان کے برج کے متعلق بتائی گئی باتیں درست ہیں۔