Vسے شروع ہونے والے ناموں کا مزاج
جن افراد کا نام V سے شروع ہوتا ہے، ان میں مندرجہ ذیل خصوصیات پائی جاتی ہیں:
- یہ افراد اپنی راہ میں حائل مشکلات کو با آسانی عبور کرنے اور کاموں کو وسیع پیمانے پر سرانجام دینے کے قابل ہوتے ہیں۔
- ایک منفی وی (V) قوت و اقتدار کا بھوکا، ظالم اور سگندل ہوسکتا ہے۔ اس کے بارے میں کوئی بات یقینی طور پرنہیں کہی جاسکتی۔
- وہ جسمانی طور پر زیادہ خوبصورت نہ بھی ہوں تو بھی ایک پرکشش شخصیت کے مالک اور دیدہ زیب ہوتے ہیں۔
- وہ ثابت قدم اور زبردست قوت برداشت کے مالک ہوتے ہیں۔
- وہ دوسروں کی طرف سے اکتا کر چھوڑے ہوئے کام کو پوری توجہ، محنت اور لگن سے کرتے ہیں اور اسے انجام تک پہنچا کر دم لیتے ہیں۔
- وہ قسمت کا رونا نہیں روتے، اور نہ کسی سے اپنی بربادی کا شکوہ شکایت کرتے ہیں۔
- وہ کسی وجہ سے مالی نقصان اٹھانے پر بھی نہ تو گھبراتے ہیں اور نہ پریشان ہوتے ہیں۔ بلکہ پوری یکسوئی اور دلجمعی سے برباد شدہ سرمائے کو دوبارہ حاصل کرنے اور نقصان کا ازالہ کرنے کی کوشش میں لگ جاتے ہیں اور اکثر اپنی انتھک محنت سے اس کوشش میں کامیاب بھی ہوجاتے ہیں۔
- وہ چونکہ بے حد محنتی اور قوت ارادی کے مالک ہوتے ہیں، اس لیے ان کے افسر یا مالک اکثر ان پر کامل اعتماداور بھرپور بھروسہ رکھتے ہیں اور بجاطور پر یہ سمجھتے ہیں کہ انہیں جو کام بھی دیا جائے گا وہ اسے پوری لگن، محنت، توجہ اور جدوجہد سے انجام دیں گے۔
- وہ کسی بھی طرح کے ہنگامی حالات سے نہیں گھبراتے اور شدید سے شدید ہنگامی حالات میں بھی اپنے آپ کو پرسکون رکھتےہیں۔
- ان کے جذبات و ہیجانات میں اگرچہ بڑی شدت ہوتی ہے مگر ان میں اپنے جذبات پر قابو پانے کی زبردست صلاحیت ہوتی ہے جس کے باعث وہ مشکل سے مشکل صورت حال سے عہدہ براء ہونے میں کامیاب رہتے ہیں۔
- انہیں محبت کی خواہش اور طلب تو ضرور ہوتی ہے لیکن اگر انہیں محبت نہ ملے تو وہ اس کی کسی سے بھیک نہیں مانگتے اور اگر اس میں کوئی رکاوٹ محسوس کریں تو اسے دور کرنے کی کوشش کرتے ہیں اور اکثر و بیشتر اپنی ہمت سے اسے دور کرنے میں کامیاب رہتے ہیں۔
دیگر حروف
شان کا بُرج
اصل نام ارمغان شاہد ہے لیکن پو را پاکستان انھیں شان شاہد کے نا م سے جانتا ہے۔ شان پاکستان فلم انڈسٹری کے نمبر ون سٹار ہیں۔ 1990 میں اپنی فلم بلندی سے کیریئر کا آغاز کرنے والے شان نے بلندی میں ایسی دھوم مچائی کہ پاکستان میں چھا گئے۔ انھوں نے 500 فلموں میں اپنی اداکاری کے جو ہر دکھائے ہیں۔ انکا فیملی شوبز سے تعلق رکھتی تھی، تبھی شان کو بھی انڈسٹری میں با آسانی جگہ مل گئی۔ شان کو گارڈننگ کا بہت شوق ہے، نہ صرف پودے لگا کر انکا نام رکھتے ہیں، بلکہ ان سے باتیں بھی کرتے ہیں۔ بڑی دلچسپ عادت ہے یہ۔ اسکے علاوہ انھیں کھانے کا بے انتہا شوق ہے، انکا کہنا ہے کہ کیک کھا لونگا، پھر چاہے فیٹس برن کرنے کیلئے ایک گھنٹہ ورزش کیوں نہ کرنی پڑے، لیکن کھانے پر کوئی سمجھوتا نہیں۔
شان چار بیٹیوں کے باپ ہیں اور انھیں کافی خوشی ہےکہ خدا نے انھیں اتنی رحمتوں سے نوازا ہے۔ شان کے بال سفید ہو چلے ہیں لیکن بالوں کو کلر نہیں کرواتے انکا ماننا ہے کہ سلور بال انھیں پسند ہیں۔ اتنی بڑے فلم سٹار ہو کر بھی شان دیسی ٹوٹکوں پر یقین رکھتے ہیں اور بعض ٹوٹکےتو آزماتے بھی ہیں۔ بہت اچھی بات ہے۔
تاریخ پیدائش اور بُرج
تاریخ پیدائش: 27 اپریل 1969ء (عمر49 سال)۔ مقام: لاہور، پاکستان
آئیے ذرا شان کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج ثور ہے۔ برج ثور کے لوگ ہمیشہ چست اور ایکٹو نظر آتے ہیں خود کو کسی بھی کام میں بخوبی وقف کر دیتے ہیں۔ صبروتحمل سے اپنی ذمہ داریاں ادا کرتے ہیں۔ اپنی مزاج کو بھی قابو میں رکھنا جانتے ہیں۔ لیکن بس سمجھوتا کرنا انکی فطرت کا حصہ نہیں ہے، چاہے کچھ بھی ہو جا ئے۔ اگر یہ تھوڑا تھوڑا سمجھوتا کرنا شروع کردیں تو انکی شخصیت مزید نکھر سکتی ہے۔
شان شاہد میں یہ تمام خوبیا ں موجود ہیں۔
دیپکا پڈکون کا بُرج
انکا تعلق بھارت کی اعلیٰ ترین اداکاراؤں میں ہوتا ہے۔ بولی وڈ ہی نہیں بلکہ ہولی وڈ میں بھی انھوں نے تہلکہ مچانا شروع کردیا ہے۔مشہور ایکٹر ون ڈیزل کیساتھ کام کر کے دیپکا بہت خوش ہیں۔ اداکارہ بننے سے پہلے نیشنل لیول پر بیڈ منٹن چیمپئن بھی رہ چکی ہیں اور روزانہ صبح پانچ بجے اٹھ کر پریکٹس کیا کرتی تھیں۔ کیرئیر کا آغاز انہوں نے صابن کے کمرشل میں کام سے کیا۔ خوبصورتی تو بےحد ہے تبھی مرد انکے آس پاس رہتے ہیں۔ کیریئر کے آغاز میں ہی رنبیر کپور کیساتھ تعلق تھا انکا، جو کہ رنبیر نے توڑ دیا۔ انکا دل تو ٹوٹا بہت، لیکن پھر جلد ہی یہ غم بھول کہ انھوں نے کام کی طرف بھر پور توجہ دی۔ اب انکی زندگی میں رنبیر سنگھ ہیں جو کہ ان سے کافی محبت بھی کرتے ہیں اور سرعام انکی اہمیت کا اظہار بھی کرتے ہیں۔
دیپکا کامیاب اور آزاد نظر آتی ہیں ۔لیکن مسائل انکی زندگی میں بھی ہیں اور وہ خود مانتی ہیں کہ زندگی میں ایک سٹیج پروہ بھی ڈپریشن کا شکار تھیں۔ وہ اپنی فیملی سے بہت محبت کرتی ہیں۔ فلم رام لیلا میں انکے شاندار کام کو دیکھ کر شائقین ہی نہیں بلکہ امیتابھ بچن نے بھی نوٹ لکھ بھیجا جسے دیکھ کر دپیکا کی خوشی کا کوئی ٹھکانہ نہیں تھا۔ یہ اداکارہ فلاحی کاموں میں بھی رواں دواں ہیں اور مہاراشتراء کےایک گاؤں کو تمام سہولیات مہیا کرتی ہیں۔
تاریخ پیدائش اور بُرج
آئیے ذرا دیپکا پڈکون کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 5جنوری 1986 (عمر 33 سال)۔ مقام: ڈنمارک
تاریخ پیدائش کے مطابق انکا برج جدی ہے۔ برج جدی کے لوگ کافی سمجھدار اور نظم و ضبط کا خیال رکھنے والے ہوتے ہیں۔ اپنی ذمہ داریوں کو بخوبی سمجھتے بھی ہیں اور نبھاتے بھی ہیں۔ یہ لوگ ہر معاملے میں خود مختار رہنا پسند کرتے ہیں خواہ وہ انکی ذاتی زندگی سے متعلق ہو یا کام کے متعلق ہو۔ اپنے آپ پر یہ لوگ غضب کا کنٹرول رکھتے ہیں۔ اپنی غلطیوں سے سیکھتے ہیں اور دوبارہ نہیں دہراتے۔
دیپکا پڈکون میں یہ تمام خصوصیات واضح طور پر موجود ہیں۔