Gemini Horoscope Monthly!

8 18 8 10 19 2 6

اگر لوگوں سے بات چیت کرتے وقت آپ کے پاس ذخیرہ الفاظ کم پڑ جاتا ہے،یا آپ کو سمجھ نہیں آتا کہ کس موضوع پر بات کریں توآپ کو چاہیے کہ کسی فارغ وقت میں اُن موضوعات کی فہرست بنالیں جن پر عام طور پر باتیں کی جاتی ہیں۔اسی طرح مختلف وقتوں میں لوگوں کے کہے گئے الفاظ بھی نوٹ کر لیا کریں۔اس طرح آپ اپنی اس مشکل پر قابو پا سکتے ہیں۔
اچھا فیصلہ اسی وقت ہو سکتا ہے جب آپ کے پاس صورتحال کے متعلق مکمل معلومات ہوں۔کوئی بھی بڑا قدم اٹھانے سے پہلے اس بات کی تسلی کر لیں کہ کہیں آپ کو جان بوجھ کر غلط معلومات تو نہیں دی گئیں،کہیں کوئی پہلو آپ سے چُھپا تو نہیں رہ گیا، کہیں آپ کسی کے ہاتھوں میں تو نہیں کھیل رہے۔اگر آپ کو ذرا سا بھی شک گزرے تو پھر محتاط حکمت عملی اپنائیں۔
اپنے بارے میں دوسروں کے تبصروں پر کوئی ردِعمل نہ دیں۔مخالفین آپ کو زچ ہوتا ہوا دیکھنا چاہتے ہیں،آپ کی طرف سے کوئی ردِعمل نہ پا کروہ خود زچ ہو جائیں گے۔اس طرح کی صورتحال میں خود کو ٹھنڈا رکھنا اور اپنے حواس پر قابو رکھنا ہی سب سے بہترین حکمتِ عملی ہے۔
آپ اچھی طرح جانتے ہیں کہ آپ کو کیا کرنا چاہیے،لیکن اپنی سوچ کو عملی شکل دینا اتنا آسان نہیں۔ اس کے لئے آپ کو سُستی اور لاپرواہی سے جان چھڑانی پڑے گی۔ مناسب منصوبہ بندی کر کے باقاعدگی سے کام کو جاری رکھیں۔جو شخص کچھ نہیں کرتا،اُسے بعد میں سب کچھ کرنا پڑتا ہے۔
کامیابی ایک تتلی کی مانند ہے،اگر آپ اس کے پیچھے بھاگیں گے تو یہ دور بھاگ جائے گی،لیکن اگر آپ اپنے کام میں مگن ہو جائیں گے تو یہ آپ کے کندھے پر آ بیٹھے گی۔انسان کی زندگی میں بعض اوقات ایسے لمحات بھی آتے ہیں کہ جب بہترین راستہ یہی ہوتا ہے کہ ہر طرف سے آنکھیں بند کر کےصرف اپنے مقصد پر توجہ دی جائے۔
گھڑی کی طرف مت دیکھیں،بلکہ وہ کام کریں جو گھڑی کرتی ہے،یعنی ہر وقت آگے بڑھتے رہیں۔
زندگی صرف دس فیصد اس چیز کا نام ہے کہ آپ کے ساتھ کیا ہوتا ہے؟باقی نوے فیصد یہ ہے کہ آپ اس پر کیسا ردِعمل دیتے ہیں۔

15

© UrduHoroscope.pk 2011-2017 - All Rights Reserved.