Panda Security - Antivirus & VPN WW

آپ کا مہینہ کیسا گزرے گا؟

مخالفین کی طرف سے پیدا کی گئی مشکلات آپ کو ذہنی دباؤ کا شکار کر سکتی ہیں،مگر آپ کے مددگارستاروں کی پوزیشن بتاتی ہے کہ کوئی نیکی یا کوئی دعا آپ کے کام آ جائے گی اور آپ کو کوئی نقصان نہ پہنچ سکے گا۔ کوئی بھی کام کرنے سے پہلے اس کا فائدہ اور نقصان اچھی طرح سوچ لیں۔
دوسروں کی تنقید کو زیادہ اہمیت نہ دیں۔دوسرے آپ کو اتنا نہیں جانتے جتنا آپ خود کو جانتے ہیں۔آپ اپنی خوبیوں اور خامیوں سے اچھی طرح واقف ہیں۔اپنی حوصلہ افزائی خود کریں،اچھے کاموں پر اپنے آپ کو شاباش دیں۔ہاں جہاں آپ کو اصلاح کی ضرورت ہے،وہاں اپنے ضمیر کی آواز کو مت دبائیں۔
اگر کوئی شخص آپ کے کندھے پر بندوق رکھ کر چلانا چاہےتو اسے اپنا کندھا استعمال کرنے کی اجازت مت دیں۔کیونکہ اُس کا مقصد تو پورا ہو جائے گا مگربعد میں آپ کو پریشانی کا سامنا کرنا پڑسکتا ہے۔ہو سکتا ہے کہ بعد میں اُن دونوں کی آپس میں صلح ہو جائے،مگر آپ تو اپنے تعلقات خراب کر بیٹھے۔ایسے معاملات میں محتاط رہنا اچھا ہوتا ہے۔
ہر دن میں 1440 منٹ ہوتے ہیں،گویا قدرت ہر روز آپ کو 1440 ڈالرزدیتی ہے،یہ آپ کے عمل پر منحصر ہے کہ آپ ان میں سے کتنے ڈالر زضائع کر دیتے ہیں اور کتنے ڈالرزکسی مفید کام میں استعمال کرتے ہیں۔قدرت وقفے وقفے سے حساب لیتی رہتی ہے۔
وقت یونہی کھڑا نہیں رہے گا۔زندگی ایک سفر کا نام ہے،جو آپ کو کہیں نہ کہیں لے کر ہی جائے گا۔اگر آپ اپنی مرضی کی منزل تک پہنچنا چاہتے ہیں توباقاعدگی سے محنت کو اپنا معمول بنا لیں۔کامیاب ہونے کا سب سے بہترین فارمولا یہ ہے کہ آپ جب بھی ناکام ہوں،صرف ایک بار مزید کوشش کر لیں۔شکست آپ کو صرف اُس وقت ہو گی،جب آپ کوشش چھوڑ دیں گے۔
اگر کوئی غلطی ہو جائے تو اُس غلطی کو لے کر مت بیٹھ جائیں،اس سے آپ اپنی انرجی اور ٹائم کا بڑا حصہ اُسی ایک غلطی پر فوکس کر کےبرباد کر دیں گے۔
غذائی بے احتیاطی سےایک وقت بھوکا رہنا بہترہے،کیونکہ اگر آپ بیمار ہو گئے توآپ کا وقت بھی ضائع ہو گا اورپرہیزی غذابھی برداشت کرنی پڑے گی۔

Panda Security - Antivirus & VPN WW