بُرج سنبلہ کی مشہور شخصیات
انڈین پرائم منسٹر نریندر مودی
نریندر مودی انڈیاکے وزیر اعظم ہیں۔صوبہ گجرات کے وزیراعلیٰ بھی رہ چکے ہیں۔ دنیاکی بااثر شخصیات میں انکا شمار ہوتا ہے۔ انکی سمجھداری اور تیزی نے نہ صرف انڈیا کو طاقتور بنایا ہے بلکہ یہ خود بھی پوری دنیا میں مشہور ہو چکے ہیں۔ انھیں پنڈت بننے کا بہت شوق تھا،تبھی گھر بار چھوڑ کر ہمالیہ کی پہاڑیوں میں دو سال تنہا گزارے۔ ان کے والد ریلوے سٹیشن پر چائے بیچتے تھے، جبکہ والدہ لوگوں کے گھروں میں کام کرتی تھیں۔ مودی بھی والد کے ساتھ ٹرینوں میں چائے بیچا کرتے تھے۔ آج بھی غیر ملکی لیڈر ان کے ہاتھ کی بنی چائے بڑے شوق سے پیتے ہیں۔
17 سال کی عمر میں ان کی شادی کر دی گئی،لیکن حیران کن طور پر دونوں میاں بیوی آج تک ساتھ نہیں رہے اور یہ فیصلہ مودی کا تھا۔ ان کی بیگم نے ٹیچنگ شروع کر دی تھی اور اب ریٹائرڈ ہو چکی ہیں۔ انہیں پرائم منسٹر کی بیوی ہونے کی وجہ سے سیکیورٹی بھی دی گئی ہے، باوجود اس کے کہ دونوں میاں بیوی کبھی بھی ساتھ نہیں رہے۔ مودی کے اس طرز عمل کو میڈیا تنقید کا نشانہ بھی بناتا ہے۔ البتہ مودی کا اپنی والدہ کے ساتھ بہت گہرا تعلق ہے۔ مودی کے مخالفین انھیں تفرقہ پیدا کرنے والی شخصیت گردانتے ہیں۔ سنہ 2002ء کے گجرات فسادات کے دوران مودی گجرات کا وزیراعلی تھا جس کی وجہ سے ان پر الزام ہے کہ وہ پس پردہ فسادات میں ملوث تھے۔
مودی صاحب کا فیشن دنیا بھر میں مشہور ہے۔ ان کا آدھے بازو کا کرتا اور جیکٹ ہر دلعزیز بن چکا ہے۔ انھیں ایک بار مگرمچھ کی خوراک بننے کا شرف بھی حاصل ہو چکا ہے لیکن خد انے بچا لیا۔ مودی صرف 5 گھنٹے سوتے ہیں اور 5:30 پر ہر حال میں اٹھ جاتے ہیں۔
تاریخ پیدائش اور بُرج
آئیے ذرا نریندر مودی کی تاریخ پیدائش پر غور کرتے ہیں اور ان کی شخصیت کو جاننے کی کوشش کرتے ہیں۔
تاریخ پیدائش: 17 ستمبر 1950 (عمر 67 سال)۔ مقام: گجرات، انڈیا
برج سنبلہ کے لوگ محنت پر یقین رکھتے ہیں ۔تبھی ہر کام پوری ایمانداری کیساتھ کرتے ہیں۔ یہ خیالی دنیا میں رہنے کی بجائے اپنے زور بازو پر بھروسہ کرتے ہیں اور ہر کام کو سر پر سوار کر لیتے ہیں۔ مہربا نی اور سخاوت ان کے نمایا ں پہلو ہیں،لیکن تھوڑے شرمیلے ہوتے ہیں۔ اگر یہ ذرا ٹھنڈے رہیں تو زیادہ اچھا ہے، انکے لیے بھی اور ان کے آس پاس کے لوگوں کے لئے بھی۔
نریندر مودی میں یہ تمام خصوصیات واضح طور پر دیکھی جا سکتی ہیں۔

 
 


 
 
 
ہوم پیج دیگر منتخب آرٹیکلز

امیر تیمور کا بُرج
امیر تیمور14 ویں صدی کا منگول فاتح تھا۔ یہ ایک بے رحم اور ظالم ترین شخص تھا، جسکا واحد مقصد اپنی سلطنت کو دوبارہ تعمیر کرنا تھا۔ تیمور نے ایک خاندان تیمورڈ قائم کیا لیکن یہ خاندان 17 ملین لوگوں کی زندگیوں کی قیمت پر تعمیر کیا گیا تھا۔ اس نے دنیا کی وسیع ترین امپائر کو فتح کیا۔ اسکی دہشت پورے ایشیا میں گونجتی تھی۔
مر جانے کے بعد بھی اسکی دہشت ویسی ہی ہے۔ مشہور تھا کہ جو کو ئی اسکا مقبرہ کھو لے گا اس پر قہر نازل ہو گا۔ لوگ یہ بھی کہتے تھے کہ قبر کھلنے کے تین دن بعد سب کچھ تباہ ہو جائے گا۔ لیکن 1942 ء میں اسکی قبر کو کھولا گیا تو پورا عجائب گھر گلاب اور کافور کی خوشبو سے مہکنے لگا۔ لوگوں نے اسے معجزہ سمجھا لیکن وہ صرف تیل کی خوشبو تھی جو اسکی لاش کو لگائے گئے تھے۔ تیمور کو شطرنج کھیلنا بہت پسند تھا اسکا خیال تھا کہ شطرنج سے اسے نئی نئی چالیں سوجھتی ہیں جنہیں جنگ میں استعمال کیا جا سکتا ہے۔
تاریخ پیدائش اور بُرج
تاریخ پیدائش: 9 اپریل 1336ء۔ مقام: کیش
آئیے ذرا امیر تیمور کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج حمل ہے۔ برج حمل کے لوگوں کا ذکر کیاجائے تویہ لوگ جرات مند اور پراعتماد ہوتے ہیں۔ یہ لو گ امید کا دامن کبھی بھی ہاتھ سے جانے نہیں دیتے۔ لیکن ان لوگوں کی طبیعت ذرا جارحانہ ہوتی ہے۔ اپنے موڈ کے مطابق چلتے ہیں اور عدم اطمینان رکھتے ہیں۔ انھیں خود پر کام کرنا چاہیئے۔
امیر تیمور میں یہ تمام خوبیاں دیکھی جا سکتی ہیں۔

 

آصف زرداری کا بُرج
یہ پاکستانی سیاست کے داؤ پیچ پر عبور رکھنے والے سیاست دان ہیں، جو صدر بھی رہ چکے ہیں۔ کسی زمانے میں سندھی کلچر سے تعلق رکھنے والے ایک گمنام سے نوجوان تھے لیکن بینظیر بھٹو سے شادی کے بعد انکا پس منظر ہی بدل گیا۔ یہ شادی پاکستانی روایات کے مطابق ہوئی اور ایک ارینج میرج تھی۔ یہ رشتہ زرداری کی سوتیلی والدہ ٹمی بخاری اور بیگم نصرت بھٹو نے طے کیا۔ اس وقت پاکستان میں جنرل ضیاالحق کی حکومت تھی۔ اس شادی کے چند ماہ بعد ہی جنرل ضیاالحق جہاز کے حادثے میں انتقال کر گئے۔ الیکشن کے بعد بینظیر بھٹو وزیراعظم بن گئیں تو زرداری صاحب کو پاکستان کا پہلا مرد ِاول بننے کا اعزاز حاصل ہوا۔
زرداری کے والد ایک قبائلی سردار تھے اور بھٹو کے ابتدائی سیاسی ساتھیوں میں شامل تھے۔ کراچی کا ایک مشہور سینما بھی ان کی ملکیت تھا۔ بچپن میں آصف زرداری نے ایک فلم میں بطور چائلڈ سٹار کام بھی کیا۔ زرداری نے کراچی کے جس سکول سے ابتدائی تعلیم حاصل کی، اسی سکول سے پرویز مشرف اورسابق وزیراعظم شوکت عزیز نے بھی ابتدائی تعلیم حاصل کی تھی۔ زرداری اوائل عمر سے ہی یاروں کے یار کے طور پر مشہور ہیں۔ زرداری کو باکسنگ اور پولو کھیلنے کا بہت شوق ہے۔ اسی باکسنگ کا شوق ان کی بیٹی بختاور کو بھی ہے۔ زرداری کی حفاظت کے لیے روزانہ کالے بکرے کا صدقہ دیا جاتا ہے، جس کا گوشت غریبوں میں بانٹ دیاجاتا ہے۔یہ سلسلہ ایک لمبے عرصے سے جاری ہے۔
زرداری صاحب پر کرپشن کے الزامات بھی لگے اور انہوں نے جیل میں گیارہ سال قید بھی کاٹی ہے، جہاں ان پر تشدد بھی ہوا۔ جس کے باعث وہ دماغی امراض کا شکار بھی ہوئے، لیکن اب ٹھیک ہیں۔ جیل میں بھی آصف زرداری خبروں کی زینت بنے رہے۔ کیونکہ انہوں نے قیدیوں کی فلاح و بہبود کے لیے کئی کام کیے، جن میں کھانے اور کپڑوں کی تقسیم اور غریب قیدیوں کی ضمانت کے لیے رقم کا بندوبست بھی شامل ہے۔ بالآخر زرداری کو تمام الزامات میں بری ہونے کے بعد رہا کر دیا گیا۔
بیوی کی وفات کے بعد لوگوں کی ہمدردیاں تو ملیں، لیکن ساتھ ووٹ بھی ملے اور صدر پاکستان بن گئے۔ اس عرصہ میں زرداری نے مفاہمت کی سیاست کو فروغ دیا۔ 2005 ء میں زرداری صاحب پاکستان کے دوسرے امیر ترین شخص تھے۔ بینظیر کی دولت کو انھوں نے غریب عوام تک پہنچانے کیلئے کئی ادارے بھی بنوائے ہیں۔
تاریخ پیدائش اور بُرج
آئیے ذرا آصف زرداری کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 26 جولائی 1955 (عمر 62 سال)۔ مقام: کراچی
تاریخ پیدائش کے مطابق انکا برج اسد ہے۔ برج اسد کے لوگوں میں نئی نئی چیزوں کیساتھ تجربہ کرنے کا جذبہ عروج پر ہوا کرتا ہے۔ یہ لوگ جو کام کرتے ہیں اس میں پوری توجہ اور لگن ڈال دیتے ہیں ۔ خوشیاں پھیلانے والے ہمدرد لوگ۔ البتہ مغرور اور خود غرض بھی ہوتے ہیں ۔ اگر ان خامیوں پر توجہ دیں اور انھیں بدلنے کی کوشش کریں تو بہت کچھ حاصل کر سکتے ہیں۔
آصف زرداری میں یہ تمام خصوصیات واضح طور پر دیکھی جا سکتی ہیں۔


اپنے تاثرات بیان کریں !