Astrology in Urdu Pisces Hoot Star 2018
بُرج حوت (Pisces)
تاریخ پیدائش: 19 فروری تا 20 مارچ
آپ کا مہینہ کیسا گزرے گا؟

اگر آپ کو لوگوں سے گفتگو کرتے ہوئے خوف آتا ہے تو جان لیں کہ یہ خوف محض ذہنی ہوتا ہے،جسمانی سطح پر کوئی خطرہ نہیں ہوتا۔لوگوں سے بات چیت کرتے ہوئے آپ مارے نہیں جائیں گے۔اس سلسلے میں آپ جتنی زیادہ مشق کریں گے،اُتنا ہی خود کوبہتر محسوس کریں گے۔
آپ چاہتے ہیں کہ آپ پر اعتماد کیا جائے اورآپ کی رائے کو عزت و احترام دیا جائے۔اس کا بہترین طریقہ یہ ہے کہ آپ مذاق میں بھی جھوٹ بولنا چھوڑ دیں۔سچ بولیں یا خاموش رہیں۔چند ہی دنوں میں آپ محسوس کریں گے کہ لوگ آپکی باتوں کو اہمیت دینا شروع ہو گئے ہیں۔
ایسے دوست نما دشمنوں سے دور رہیں جو آپ کو غلط راستے پر لے جا سکتے ہیں۔آپ ایک عزت دار انسان ہیں اور عنقریب ایک بہترین مستقبل آپ کا منتظر ہے۔آپکو اپنا ہر قدم سوچ سمجھ کر اٹھانا چاہیے،کیونکہ نتیجہ کے ذمہ دار آپ خود ہی ہیں۔
کچھ دیر کے لئے فرض کر لیں کہ آپ ایک بار اس دنیا سے جا چکے ہیں،اور تھوڑے عرصہ کے لئےآپ کو واپس دنیا میں بھیجا گیا ہے۔وہ کون سے کام ہیں جو آپ سے نظر انداز ہو گئے تھے اور اب آپ پہلی ترجیح میں کرنا چاہیں گے؟ خود پر مہربانی کریں اور وہ کام کر ڈالیں۔زندگی بہت قیمتی چیز ہے،اسے ضائع مت جانے دیں۔
آپ کس لئے جی رہے ہیں؟ اپنی زندگی کا ایک مقصد بنائیں۔زندگی میں مقصد کا ہونا انسان کو وہ کام کرنے کے قابل بھی بنا دیتا ہے کہ جسے وہ ناممکن سمجھ رہا ہوتا ہے۔ زندگی میں مقصد کا تعین،ہر قسم کی مایوسی کا بہترین علاج ہے۔ کسی مادی شے کے حصول سے جتنی خوشی ملتی ہے،اُس سے زیادہ خوشی اس شے کے حصول کے لئے کی جانے والی کوشش سے ملتی ہے۔
دوپہر کا کھانا تھوڑا کھایا کریں، اس طرح آپ خود کو زیادہ چُست محسوس کریں گے،ورنہ آپ پر سُستی اور غنودگی چھائی رہے گی۔بہتر حکمتِ عملی یہ ہے کہ صبح کا ناشتہ بہت اچھا کیا جائے تا کہ دوپہر کو بھوک کم لگے۔
ماں باپ کی عزت کریں،سوسائٹی میں آپ کی عزت بڑھے گی۔