کام کی وجہ سے زیادہ ٹینشن مت لیا کریں۔اپنا ٹائم ٹیبل بنائیں،غیر ضروری مصروفیات کو آخر میں رکھیں،اگر وقت بچ جائے توٹھیک ورنہ اپنے کام پر ہی فوکس رکھیں۔یہ کہاں کی دانائی ہے کہ آپ اپنی توانائی اور ٹائم فضول کاموں میں خرچ کر بیٹھیں اور بعد میں پینڈنگ کاموں کا رونا روئیں۔
آپ اگلے پانچ سال میں کیا کیا مقاصد حاصل کرنا چاہتے ہیں؟اُن کی فہرست بنا لیجئے۔پھر سوچیئے کہ کیا آپ کا روزانہ کا شیڈول اُس کے مطابق ہے۔ارے بھائی! خیالی پلاؤ پکانے سے کچھ نہیں بنتا،کام کرنا پڑتا ہے۔خود کو منظم کیجئے اور اپنی خامیوں کا جائزہ لیجئے۔ابھی وقت ہے،کل کو قسمت کا گلہ نہ کیجئے گا۔
بہت سے چھوٹے چھوٹے کام ایسے ہیں،جن کےاثرات بہت بڑے ہوتے ہیں،مثلاًکسی کی چائے کا بل ادا کر دینا،کسی اجنبی کے گزرتے وقت دروازہ تھام لینا، کبھی معمول سے زیادہ ٹِپ دے دینا، کسی بچے کی دور جاتی گیند کا پیچھا کرنا اور پھر گیند کو اس کی طرف پھینک دینا ، رحمدلی کا مظاہرہ کرنا کہ جب ایسا کرنا مشکل ہووغیرہ۔اگرکوئی یہ سب آپ کے ساتھ کرے تو آپ خوشی محسوس کریں گے،لہذا آپ بھی ایسا کریں،کچھ دیر کے لئے زندگی بہت ہلکی پھلکی لگے گی۔
غذائی بے احتیاطی سےایک وقت بھوکا رہنا بہترہے،کیونکہ اگر آپ بیمار ہو گئے توآپ کا وقت بھی ضائع ہو گا اورپرہیزی غذابھی برداشت کرنی پڑے گی۔
زندگی صرف دس فیصد اس چیز کا نام ہے کہ آپ کے ساتھ کیا ہوتا ہے؟باقی نوے فیصد یہ ہے کہ آپ اس پر کیسا ردِعمل دیتے ہیں۔