آپ کو کچھ مشکلات کا سامنا ہے،جس کی وجہ سے آپ دل برداشتہ ہیں،یاد کریں کہ آپ کی والدہ نے کبھی آپ کی بچپن میں پٹائی کی ہو، کیا وہ ظالم تھیں؟ہرگز نہیں،وہ محض آپ کا بھلا چاہ رہی تھیں۔بالکل اسی طرح خدا بھی ظالم نہیں ہے،وہ آپ کو مشکلات دے کرآپ کی تعمیر کرنا چاہتا ہے۔
آپ کس لئے جی رہے ہیں؟ اپنی زندگی کا ایک مقصد بنائیں۔زندگی میں مقصد کا ہونا انسان کو وہ کام کرنے کے قابل بھی بنا دیتا ہے کہ جسے وہ ناممکن سمجھ رہا ہوتا ہے۔ زندگی میں مقصد کا تعین،ہر قسم کی مایوسی کا بہترین علاج ہے۔ کسی مادی شے کے حصول سے جتنی خوشی ملتی ہے،اُس سے زیادہ خوشی اس شے کے حصول کے لئے کی جانے والی کوشش سے ملتی ہے۔
اگر آپ اپنی توانائیاں محفوظ رکھنا چاہتے ہیں تو دیکھو اور انتظار کرو کی پالیسی اپنائی جاسکتی ہے۔جیسے ہی صورتحال واضع ہوجائےتو پھر آپ مناسب حکمت عملی کے ساتھ آگے بڑھ سکتے ہیں۔بغیر سوچے سمجھے کئے گئےفیصلے اکثر غلط ثابت ہوتے ہیں۔اپنی ترجیحات کا تعین کریں اور جو کام سب سے پہلے کرنے والا ہے،اُسے پہلے کریں۔
کسی غلطی کی صورت میں اپنی ذاتی انا کو ایک طرف رکھ کرمتاثرہ فریق سے معافی مانگ لیں، اس کے دوررس نتائج نکلیں گے۔
خوراک میں کالی مرچ کا استعمال کریں۔یہ معدے اور جلد کے لئے بھی اچھی ہےاوروزن گھٹانے کے ساتھ ساتھ جسم میں موجود بیکٹیریا کا بھی خاتمہ کرتی ہے۔