Sagittarius Horoscope Monthly!

4 11 13 14 12 5 7

آپ ٹینشن سے گھبرائیں نہیں،بلکہ اسے اپنے فائدے کے لئے استعمال کریں۔زندگی میں کچھ کرنے کے قابل رہنے کے لئےایک حد تک ذہنی دباؤ ضروری ہے،کیونکہ یہ ذہنی دباؤ ہی ہے جو انسان کو مختلف کام کرنے کی تحریک دیتا ہے۔ورنہ انسان ہر وقت سستی کا شکار رہے۔سوچیں کہ اس دباؤ کوآپ کسطرح کسی مثبت کام کے لئے استعمال کر سکتے ہیں۔
آپ کو دوسروں میں بہت سی خامیاں نظر آتی ہیں،لیکن اُن پر تنقید کر کے اپنی توانائیاں ضائع نہ کریں۔آپ کو چاہیے کہ خود کو بہتر بنانے میں اتنے مصروف ہو جائیں کہ آپ کے پاس دوسروں پر تنقید کرنے کا وقت ہی نہ بچے۔آپ کو کسی سے الجھنے کی ضرورت نہیں،بس سکون سے آگے بڑھتے رہیں۔
اپنے غصے کو کنٹرول میں رکھیں۔ٹھنڈے دل و دماغ سے صورتحال کا تجزیہ کریں۔غصے کی حالت میں اندھا دھند کیا گیا ایکشن بعد میں آپ کے لئے پچھتاوے کا باعث بن سکتا ہے۔جبکہ نارمل حالت میں کیا گیا عمل اس سے کئی درجہ بہتر ہے،کیونکہ یہ عقل کے زیرِ تابع ہوگا،اور تمام پہلوؤں کا جائزہ لے کرکیا گیا ہو گا۔
آپ کو سب سے زیادہ پیار زندگی سے ہے۔لیکن کیا زندگی ہی وہ شے نہیں ہے جسے آپ بُری طرح ضائع کر رہے ہیں۔کیا آپ کی زندگی میں کچھ ایسا ہے جس پر آپ فخر کر سکیں،کیا آئندہ اس بات کا امکان ہے کہ آپ کوئی قابلِ فخر کام کریں گے۔سب کی طرح آپ بھی خدا کا ایک بہترین شاہکار ہیں۔اچھے اور قابل تعریف کاموں کی فہرست بنا لیجئے،اورآج سے ہی ان کاموں کو کرنا شروع کر دیجئے۔
کامیابی کسی عمل کوصرف ایک بار کرلینے سے حاصل نہیں ہوتی،بلکہ اُس عمل کو روزانہ دہرانے سےحاصل ہوتی ہے۔آپ میں یہ صلاحیت موجود ہے کہ آپ اپنی زندگی کے اہداف کو حاصل کرنے کے لئے مستقل مزاجی سےکام کر سکتے ہیں،بشرطیکہ آپ اس کی نیت کر لیں۔
ماں باپ کو اہمیت دیں۔والدین جتنے مرضی بوڑھے ہو جائیں،گھر کا سب سے مضبوط ستون والدین ہی ہوتے ہیں۔
کوئی ایسی کتاب جس کی آپ نےکبھی تعریف سُنی ہو،اُسے خریدلیں یا کسی سے اُدھار لے لیں۔اس کتاب کا مطالعہ آپ کو لطف دے گا۔فیملی یا دوستوں کے ساتھ منتخب مواد کوشیئر کریں۔سب آپ کے انتخاب کی تعریف کریں گے۔

5

© UrduHoroscope.pk 2011-2017 - All Rights Reserved.