جو لوگ سال کے کسی بھی مہینے کی 1، 10، 19 یا 28 تاریخ کو پیدا ہوتے ہیں، ان کا عدد (1) ہے۔

اس عدد کے حامل افراد اپنے تمام اہم کام کسی بھی مہینے کی 1، 19،10یا 28 تاریخ کو سرانجام دیں تو بہتر نتائج حاصل کرنے میں کامیاب رہیں گے کیونکہ ان کے لئے مبارک ہیں۔ ان کے لئے مبارک دن اتوار ہے۔ خصوصاً اگر یہ دن 1، 19،10یا 28 تاریخ کو آئے۔

عدد ایک کے زیر اثر افراد کے لئے 19 واں، 28 واں، 37 واں اور 55 واں سال اہم ہیں۔ ان سالوں میں یہ محسوس کریں گے کہ ان کی صحت متاثر ہوئی ہے۔ اکتوبر، دسمبر اور جنوری میں ایسے لوگوں کو صحت کا خاص خیال رکھنا چاہیے۔

عدد ایک رکھنے والوں کے لئے سنہری، بادامی اور زرد رنگ اچھے ہیں۔ انہیں ان رنگوں کے لباس پہننے چاہییں۔ اگر ممکن ہو تو اپنے کمروں کے رنگ بھی انہی رنگوں میں سے منتخب کریں خصوصاً بیڈ روم کا رنگ ان میں سے ہونا چاہیے۔ یہ لوگ اس تبدیلی کو جلد محسوس کر لیں گے کہ موافق رنگ کروانے سے ان کو اعصابی سکون میسر آتا ہے اور گہری نیند آنے لگتی ہے۔ انہیں پکھراج، کہربا زرد اور ہیرے میں سے کوئی پتھر پہننا چاہیے خصوصاً اگر یہ لوگ ہر وقت کہربا کا ٹکڑا اس طرح پہنے رکھیں کہ وہ جسم کو چھوتا رہے تو مبارک ہے۔