Urdu Totkay and Tips for Kitchen

کچن کے لئے کارآمد ٹوٹکے
کچن کے لئے کارآمد ٹوٹکے
سالن میں مرچیں کم کرنا
سالن میں سرخ مرچیں زیادہ پڑ جائیں تو ہنڈیا میں تھوڑا سا دہی چمچے سے پھینٹ کر ڈال دیں اور ہنڈیا کو بھون کر خشک کرلیں۔
سرخ مرچوں کو باریک پیسنے کے لئے
سرخ مرچوں کو باریک پیسنے کے لئے
اگر آپ سرخ مرچوں کو ان کے بیجوں کی وجہ سے بہت زیادہ باریک نہیں پیس پاتیں تو پریشان مت ہوں۔ ایک سادہ سی ترکیب آزما کر دیکھئے۔ مرچوں میں ایک بڑا چمچ کوکنگ آئل ڈالیں اور اب پیسیں۔ آپ حیران رہ جائیں گی کہ سارے کے سارے بیج غائب ہوجائیں گے اور آپ کوبالکل بازاری مرچوں کی طرح باریک پاؤڈر ملے گا۔

انڈوں کے لئے کارآمد ٹوٹکے
انڈوں کے لئے کارآمد ٹوٹکے
انڈوں کو زیادہ عرصہ تک محفوظ رکھیئے
انڈوں کو زیادہ عرصہ تک محفوظ رکھیئے
گرمیوں میں انڈے فریج میں رکھنے کے باوجود خراب ہونے کا ڈر ہوتا ہے۔ اگر فریج میں رکھنے سے پہلےانڈوں پر کوکنگ آئل یا گھی مل دیا جائے تو انڈے خراب نہیں ہوں گے اور زیادہ دن تک چلیں گے۔ بلکہ فریج کے بغیر بھی لمبے عرصے تک تازہ رہیں گے۔
اگر انڈوں کو پسے ہوئے نمک میں دبا کر رکھ دیا جائے تو کافی دیر تک انڈےخراب نہیں ہوتے۔
اگر انڈوں کو دھو کر تیل میں ڈال کر رکھ دیں توبھی انڈے خراب نہیں ہوں گے۔
برتنوں میں سےانڈے کی بو دور کرنا
برتنوں میں سےانڈے کی بو دور کرنا
صبح ناشتے میں انڈے کا استعمال عام سی بات ہے۔ کئی خواتین فوری برتن صاف کرنے کی بجائے رکھ چھوڑتی ہیں کہ بعد میں دیکھا جائے گا۔ ایسے برتنوں میں انڈے کی بو رچ جاتی ہے اور دھونے کے باوجود بھی نہیں جاتی۔ یاد رکھئے کہ برتنوں میں سے انڈوں کی بو کو ختم کرنے کے لیے انہیں ڈبل روٹی کے ٹکڑے سے اچھی طرح صاف کر لیا کریں، اس طرح بو پیدا ہونے کا سوال ہی پیدا نہیں ہوتا۔

 


 
 
ہوم پیج دیگر منتخب آرٹیکلز

علامہ اقبال کا بُرج
علامہ محمد اقبال جنھیں شاعر مشرق بھی کہا جاتا ہے، نہایت معروف شاعر، فلسفی، سیاست دان، بیرسٹر اور سکا لر تھے۔ پاکستان کی آزادی میں انکا بہت بڑا ہاتھ ہے، تبھی تو انھیں "پاکستا ن کا روحانی باپ" کہا جاتا ہے۔ اقبال نہ صرف پاکستان کے لیے با عث فخر ہیں بلکہ کنگ جارج جیسے لوگوں نے بھی انھیں مدعو کیا اور سر کا خطاب دیا۔ اردو اور فارسی میں انھوں نے اپنے قلم کے ذریعے لوگوں کی رہنمائی کی، جسکی بنا پر انھیں مفکر پاکستان اور حکیم الامت کہا گیا۔ عربی میں بھی انکا کام قابل تعریف ہیں۔
انکی پہلی کتاب اسرار خودی فارسی زبا ن میں تھی جسکی کئی زبانوں میں تشریح ہوئی۔ انھوں نے جرمنی میں بھی کافی ٹائم گزارا اور تبھی انکی یاد میں وہاں اقبال کے نام سے ایک سٹریٹ بھی ہے، جو علامہ اقبال کی یاد کو آج بھی تازہ کرتی ہے۔ مغربی تعلیم حاصل کرنے کے باوجودعلامہ اقبال اسلام کی تعلیمات میں کافی سخت تھے اور ہمیشہ اسلام کواسکی صحیح تعلیمات کیساتھ فروغ دینے کی کوشش کرتے رہے۔ اقبال صاحب نے تین شادیاں کی۔ پہلی شادی 1895 میں کریم بی بی سے کی، اسکے بعد سردار بیگم اور پھر مختار بی بی انکی زوجیت میں آئیں۔
تاریخ پیدائش اور بُرج
تاریخ پیدائش: 9 نومبر 1877ء۔ مقام: سیالکوٹ، پاکستان
آئیے ذرا علامہ محمد اقبال کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج عقرب ہے۔ برج عقرب کے لوگ کافی بہادر ہوتے ہیں، ان سے بہتر سچا دوست کوئی نہیں ہوتا۔ انکے پاس اتنے وسائل ہوتے ہیں کہ ہر چیز کا حل نکا ل لیتے ہیں۔ جوش و جذبے کے اعتبار سے یہ کافی مکمل ہوتے ہیں۔ لیکن ان کی طبیعت میں تشدد شامل ہوتا ہے۔ اپنے پیاروں کے معاملے میں بڑے محتاط رہتے ہیں۔
علامہ محمد اقبال میں یہ تمام خوبیاں دیکھی جا سکتی ہیں۔

 

بروس لی کا بُرج
جئن فئن لی چینی اداکار تھے جو کہ بروس لی کے نام سے مشہور ہوئے۔ بروس لی کو مارشل آرٹ میں کمال حاصل تھا۔ ان کی کمال خوبی یہ تھی کہ وہ ایک دن میں 5000 بار مکا مارنے کی مشق کرتے، وہ بھی الگ الگ انداز میں۔ نو عمری میں بروس لی کا اپنا "ٹائیگر آف جنکشن سٹریٹ" نامی گینگ بھی تھا، جس کے وہ لیڈر تھے۔ بروس لی نے اپنی زندگی میں صرف ایک لڑائی ہاری وہ بھی 13 سال کی عمر میں۔ بروس لی کی خواہش تھی کہ وہ محمد علی کے ساتھ ایک لڑائی لڑیں مگر ان کی یہ خواہش پوری نہ ہو سکی۔ بروس لی مشہور باسکٹ بال کھلاڑی کریم عبدلجبار کے استاد تھے۔ بروس لی کو پانی سے نفرت تھی اور نہ ہی انہوں نے کبھی تیراکی کی۔ بروس لی کا شمار نظر کے لیز استعمال کر نے والے ابتدائی لو گوں میں ہوتا ہے۔
بروس لی کی شادی "لینڈہ لی" نامی لڑکی سے ہوئی۔ بعد ازاں ان کو اپنی ایک ساتھی اداکارہ "ٹینگ پائی" سے بھی محبت ہو گئی مگر ان کی اس محبت کو کوئی منزل نہ مل سکی جس کی وجہ ان کی شادی تھی۔ بروس لی کی موت کے بارے میں بہت سی افواہیں مشہور ہیں مگر ان کی موت کی وجہ ان کی دماغی بیماری تھی۔ بروس لی نے جب فلمی دنیا میں قدم رکھا تب ان کی عمر صرف 3 ماہ تھی۔ بروس لی نے "سائیلنٹ فلیٹ" نامی ایک فلم بھی لکھی جو کہ ان کی زندگی میں نہ بن سکی۔ بلاشبہ بروس لی نے مختصر مگر شاندار زندگی گزاری۔
تاریخ پیدائش اور بُرج
تاریخ پیدائش: 27 نومبر 1940ء۔ مقام: سان فرانسسکو، امریکہ
آئیے ذرا بروس لی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس سے تعلق رکھنے والے لوگ عموما ً امید سے بھر پور، مزاحیہ، سخی دل، بہادر، بے خوف، عقل مند اور روشن ضمیر ہوتے ہیں مگر ان کی بری عادت خود کو ہر معاملہ میں صحیح ثابت کرنا ہے۔ اگر بروس لی کی زندگی کا مطالعہ کیا جائے تو معلوم ہوتا ہے کہ ان کے برج کے متعلق بتائی گئی باتیں درست ہیں۔


اپنے تاثرات بیان کریں !