آپ کا ہفتہ کیسا گزرے گا؟

مسائل کی موجودگی کے باوجود امید کا دامن نہ چھوڑیں۔آپ کے پاس بہت کچھ ایسا ہے،جسے آپ نظر انداز کر رہے ہیں،مگر بہت سے لوگ اُن چیزوں کے لئے ترستے ہیں۔آپ کو خدا نے بے شمار صلاحیتوں سے نوازا ہے۔اگر آپ میں کچھ خامیاں ہیں تو کچھ خوبیاں بھی تو ہیں۔تو پھر ناشُکری کیوں؟
چھوڑدیجئے،جو گزر گیا،اُس پر افسوس کرنے سے وہ نقصان پورا نہ ہو گا بلکہ اس طرح آئندہ کا وقت بھی ضائع ہو جائے گا۔اگر آپ نے ماضی میں کوئی غلطیاں کی ہیں تو ان کا مداوا ممکن ہے،کیونکہ آپ کے پاس آگے کی زندگی تو ہے ناں۔آپ اپنے مقاصد کا تعین کر کے کامیابیاں حاصل کر سکتے ہیں۔اپنے وقت کو منظم کرنا اور اسے ترتیب دیناہی آدھی کامیابی ہوتا ہے۔دنیا کا کوئی بھی ہنر مند آدمی ایک دم نہیں سیکھ جاتا،بلکہ وہ اس کام کو بار بار کرنے کی وجہ سے ہنر مند بنتا ہے۔
آپ کو دوسروں میں بہت سی خامیاں نظر آتی ہیں،لیکن اُن پر تنقید کر کے اپنی توانائیاں ضائع نہ کریں۔آپ کو چاہیے کہ خود کو بہتر بنانے میں اتنے مصروف ہو جائیں کہ آپ کے پاس دوسروں پر تنقید کرنے کا وقت ہی نہ بچے۔آپ کو کسی سے الجھنے کی ضرورت نہیں،بس سکون سے آگے بڑھتے رہیں۔
روزانہ چند منٹ پیدل چلناآپ کی صحت کے لئے بہت ضروری ہے۔اس سے ذہنی دباؤ میں بھی کمی ہو گی۔
عبادت میں دل لگائیں،تا کہ آپ کی روح کو انرجی مل سکے۔


 
 
 
ہوم پیج دیگر منتخب آرٹیکلز

شردھا کپور کا بُرج
شردھا کپور، بولی وڈ کی نئی اداکارہ ہے جو کہ شکتی کپور کی بیٹی بن کر نہیں، بلکہ اپنے بل بوتے پر دن رات محنت کر کے کامیابی کے سفر پر چل نکلی ہیں۔ کم وقت میں اپنی الگ پہچان بنا کر انھوں نے سب کو حیران کر دیا ہے۔ یونیورسٹی میں ٹاپر ہونے کے باوجود شردھا نے اداکاری کی خاطر سب چھوڑ دیا۔ بگ بی کی بہت بڑی فین ہونے کیوجہ سے شردھا نے کیریئر کا آغاز بھی انکی فلم میں ایک رول سے کیا۔ شردھا اتنی سی عمر میں انتہائی نڈر اور ایڈونچر لور ہیں۔ سوئمنگ کی اتنی شوقین ہیں کہ پوری ٹریننگ لے رکھی ہے۔
اتنی کامیاب اداکارہ بن جانے کے بعد بھی شردھا کو کچی سبزیا ں کھانے کا بہٹ شوق ہے، فاسٹ فوڈ چھوڑ کر یہ سبزیوں کیطرف زیادہ جاتی ہیں۔ ایک چیز جسکے بغیر شردھا کا گزارا نہیں، وہ چائے ہے۔ چائے میں انکی طاقت کا راز چھپا ہے۔ انکا ماننا ہے کہ چائے پی کر یہ خوش اور ایکٹو ہو جاتی ہیں۔ انکا صرف ایک ہی کرش ہے اور وہ ہے جونی دیپ۔ شردھا کو جونی کی ہر ادا سے پیار ہے۔ اداکاری کے ساتھ ساتھ گانا بھی گا لیتی ہیں۔ عامر خان اور پر یانکا چوپڑا کیساتھ کام کرنا انکی دلی خواہش بھی ہے اور ان دونوں کوکافی پسند بھی کرتی ہیں۔
تاریخ پیدائش اور بُرج
تاریخ پیدائش: 3 مارچ 1987ء (عمر31 سال)۔ مقام: انڈیا
آئیے ذرا شردھا کپور کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج حوت ہے۔ برج حوت کے لوگوں کی معصومیت اور شرافت انھیں فائدہ پہنچاتی ہے۔ یہ لوگ ہنرمند اور عقلمند ہوتے ہیں تبھی ہر کام میں جان ڈال دیتے ہیں۔ لیکن پھر بھی لوگوں پہ زیادہ بھروسہ انھیں کافی مہنگا پڑتا ہے اور پھر انھیں تکلیف ہوتی ہے۔ انھیں حقیقت پسند ہونا پڑے گا تا کہ بہتر زندگی گزار سکیں۔
شردھا کپور کی شخصیت میں یہ تمام خوبیاں دیکھی جا سکتی ہیں۔

 

امیتابھ بچن کا بُرج
امیتابھ بچن، بگ بی کے نام سے بھی جانے جاتے ہیں۔ بچپن میں ان کا نام انقلاب تھا،جو انقلاب زندہ باد کے نعرے سے متاثر ہو کر رکھا گیا تھا کیونکہ اس وقت بھارت کی آزادی کی جدوجہد زوروں پر تھی۔بعد میں ان کا نام بدل کر امیتابھ رکھا گیا جس کے معنی ہمیشہ رہنے والی روشنی کے ہیں۔ ان کی والدہ کا تعلق پاکستانی علاقہ فیصل آباد کے ایک سکھ گھرانے سےتھا۔اپنے فلمی سفر میں امیتابھ نے کئی بار ناکامی دیکھی۔شروع میں انکی بھاری اور منفرد آواز کے باعث کسی نے بھی کام نہ دیا، بعد میں یہی آواز انکی کامیابی کی وجہ بنی۔ لگاتار 12 فلمیں فلاپ ہونے کے بعد بھی انھوں نے ہمت نہ ہاری اور آخر تیر ہویں فلم نے انھیں شہرت بخشی۔ 1970ء میں ان کی شہرت کا آغاز ہوا، ا ور آج بولی وڈ میں انکا ہم پلہ کوئی نہیں ہے۔ 1982ء میں فلم کی شوٹنگ کے دوران لڑائی کا منظر کرتے ہوئے میز کا کونا لگنے سے امیتابھ سچ مچ شدید زخمی ہو گئے اور ان کی تلی پھٹ گئی اور کافی خون ضائع ہو گیا۔ ان کو فوراً ہسپتال لے جایا گیا، جہاں وہ کئی مہینے زندگی اور موت کی کشمکش میں رہے۔ ان کے مداحوں نے مندروں میں دعائیں کیں اور چڑھاوے پیش کیے۔ بالآخر کئی ماہ کے علاج کے بعد وہ صحت مند ہو گئے۔
امیتابھ ہمیشہ سے ایئر فورس میں جانے کے خواہشمند تھے لیکن بد قسمتی سے ایسا نہ ہو پایا۔ ان کے پاس ڈبل ایم اے کی ڈگری ہے۔ ان میں ایک نمایاں خوبی یہ ہے کی دونوں ہاتھوں سے لکھ لیتے ہیں ۔جی جی دونوں ہاتھوں سے بیک وقت۔ انھیں پین اور گھڑ یاں جمع کرنے کا بے حد شوق ہے، ہزاروں کے قریب پین موجود ہیں انکے پاس۔ لوگ انھیں تحفےمیں بھی پین دیتے ہیں۔ یوں تو بولی وڈ کی بہت سی اداکارائیں انکی فین ہیں اور کہتی ہیں کی امیتابھ سا وجہیہ شخص کوئی نہیں۔لیکن امیتابھ صرف ایک ہی خاتون کی خوبصورتی کے اسیر ہیں اور وہ ہیں وحیدہ رحمان۔ امیتابھ نے اداکارہ جیا بچن سے شادی کی۔ بگ بی پولیو سے بچاؤ کی مہم میں بھی کوشاں رہتے ہیں۔
تاریخ پیدائش اور بُرج
آئیے ذرا امیتابھ بچن کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 11 اکتوبر 1942 (عمر 75 سال)۔ مقام: اترپردیش، انڈیا
تاریخ پیدائش کے مطابق انکا برج میزان ہے۔ برج میزان کے لوگ پرامن اور انصاف پسند ہوا کرتے ہیں۔ ان کو اکیلے رہنا ہر گز اچھا نہیں لگتا۔ دوسروں کی مدد کا جذبہ تو رکھتے ہیں لیکن ساتھ ساتھ ڈپلومیٹک بھی ہوتے ہیں۔ بحث سے اجتناب کرنا انکی عادت ہوتی ہے۔ لیکن فیصلہ لینے میں یہ لوگ ذرا ڈھیلے ہوتے میں، جسکی وجہ سے مار کھا جاتے ہیں۔ اگر یہ لوگ سوچ سمجھ کر فیصلے لیں تو ان کے لیے بہتر ہے۔
امیتابھ بچن میں یہ تمام خصوصیات واضح طور پر دیکھی جاسکتی ہیں۔


اپنے تاثرات بیان کریں !