جو لوگ سال کے کسی بھی مہینے کی 9، 18 یا 27 تاریخ کو پیدا ہوتے ہیں، ان کا عدد (9) ہے۔

مہینے کی 9، 18اور27تاریخیں ان کے لئے سعد ہیں۔ اپنے کاموں کا آغاز ان دنوں سے کریں اور اہم امور انہی تاریخوں کو انجام دیں۔ منگل خوش بختی کا دن ہے کیونکہ یہ مریخ کا دن ہے جس کا عدد 9 ہے۔جب یہ دن ان تاریخوں میں آئے تو سونے پر سہاگہ والی بات ہے 9، 18 اور27۔

ان کے لئے 9واں،18واں،27واں،36واں،45واں اور 63واں سال اہم ہیں۔ اپریل، مئی، اکتوبر اور نومبر کے مہینوں میں صحت کا خیال رکھنا ضروری ہے، کیونکہ بیماری کے حملے کا خدشہ ہے۔

سرخ، قرمزی، گلابی، جامنی اور پیازی رنگ مبارک ہیں۔ ان رنگوں کے تمام شیڈز استعمال کرنے چاہییں۔ بہت زیادہ گہرے یا بہت زیادہ ہلکے رنگوں کی نسبت درمیانے رنگ استعمال کریں تو زیادہ بہتر ہے۔ مردوں کو اس رنگ کی ٹائیاں یا جرابیں استعمال کرنی چاہییں۔ پتھروں میں یاقوت، لعل اور سرخ رنگ کے تمام پتھر مناسب ہیں۔ ان میں سے کوئی ایک پتھر اس طرح پہنا جائے کہ جلد کو چھوتا رہے۔