جو لوگ سال کے کسی بھی مہینے کی 2، 11، 20 یا 29 تاریخ کو پیدا ہوتے ہیں، ان کا عدد (2) ہے۔ اگر وہ جون اور جولائی کے درمیان پیدا ہوئے ہوں تو ان پرعدد 2 کا زیادہ گہرا اثر ہوتا ہے۔

ایسے لوگوں کو چاہیے کہ وہ اپنے تمام امور مہینے کی 2، 11،20اور29 تاریخ کو انجام دیں کیونکہ یہ تاریخیں ان کے لئے مبارک ہیں۔ پیرخوش بختی کا دن ہے۔ خاص طور پر اگر یہ دن 11،2یا 20تاریخ کو آئے۔

ان لوگوں کے لئے 20 واں، 29 واں، 38 واں،47 واں، 56 واں اور 65 واں سال بہت اہمیت رکھتے ہیں۔ جنوری، فروری اور جولائی کے مہینوں میں اس عدد کے افراد کو صحت کا خاص خیال رکھنا چاہیے۔

ان کے لئے سبز رنگ بہت سعد ہے۔ سبز رنگ کے تمام شیڈز کے علاوہ سفید اور موتیا رنگ استعمال کرنا چاہیے۔ ہمیشہ انہی رنگوں کے لباس منتخب کر کے پہنیں۔ تمام گہرے رنگوں سے احتیاط برتیں۔ خصوصاً سیاہ، ارغوانی اور گہرے سرخ رنگ استعمال نہ کریں۔ چندر گانٹھ، زردی مائل سبز پتھر اور الماس پہننا فائدہ مند ہے۔ اگر الماس ہر وقت پہنے رکھیں تو اچھی بات ہے لیکن اس بات کا خیال رہے کے الماس اس طرح پہنا جائے کہ جلد کو چھوتا رہے۔