اکشے صرف فلمی ہیرو نہیں ہیں بلکہ انہوں نے سچ مچ مارشل آرٹس میں بلیک بیلٹ حاصل کر رکھی ہے۔ تھائی لینڈ میں قیام کے دوران کک اور ویٹر کے طور پر بھی کام کیا۔ ممبئی میں لوگوں کو مارشل آرٹس کی تربیت دیتے تھے کہ کسی کے مشورہ پر ایک دن ماڈلنگ کرنے جا پہنچے اور صرف دو دنوں میں اتنی دولت کما لی جو ان کی پورے مہینے کی تنخواہ کے برابر تھی۔ لہذا موڈلنگ کو ہی کیرئیر بنانے کا فیصلہ کیا۔ ابتدا میں کئی فلموں میں صرف بیک گراؤنڈ ڈانسر کا کام ہی ملا۔اسی کام کےسلسلے میں ایک دن فلائٹ مس ہو گئی تو بہت مایوس ہوئے، گھومتے گھومتے ایک فلم سٹوڈیو جا پہنچے۔ خوش قسمتی دیکھئے کہ وہاں انھیں ایک فلم میں پہلی بار مرکزی رول کے لیے منتخب کر لیا گیا۔

ایک کا میا ب ایکٹر ہونے کے باوجود انکی عادات بہت سادہ ہیں: جیسے بسوں میں سفر کرنا، باڈی فٹ رکھنے کے لیئے رننگ اور باکسنگ کرنا، سادہ خوراک کھانا، صبح پانچ بجے اٹھ جانا وغیرہ۔ ملٹری خاندان سے تعلق رکھنے والے یہ ایکٹر فوج میں تو نہیں، لیکن انکانظم و ضبط فوج والوں سے بڑھ کر ہے۔ اکشے پورے مہینے میں صرف 5000 روپے خود پر خرچ کرتے ہیں انکا ماننا ہے کہ انھیں بلا وجہ خرچ کرنا بالکل پسند نہیں۔ یہ صاحب اپنا کام صبح 6 بجے شروع کر دیتے ہیں جبکہ باقی ایکٹرز کی صبح ہی12 بجے ہوتی ہے۔اکشے 7 بجے کے بعد کچھ نہیں کھاتے، فاسٹ فوڈ اور ہوٹل میں تو یہ جاتے ہی نہیں۔ اپنی بیوی ٹونکل کھنہ، بیٹے اور بیٹی کو بھی سادہ بنا چکے ہیں۔ نئے گلوکاروں کی ہمیشہ حوصلہ افزائی کرتے ہیں اور انکے گانے اپنی فلموں میں شامل کر لیتے ہیں۔

آئیے ذرا اکشے کمار کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔

تاریخ پیدائش: 9ستمبر 1967 (عمر 50سال)۔ مقام: امرتسر

برج سنبلہ کے لوگوں پر غور کیا جائے تو یہ بہت محنتی اور حقیقت پسند ہوتے ہیں ۔ وفاداری، شفقت اور رحمدلی ان میں کوٹ کوٹ کر بھر ی ہوتی ہیں۔ لیکن یہ لوگ بس ہر وقت کام ہی کرتے رہتے ہیں۔ اپنے کام میں اتنے کیڑے نکالتے ہیں کہ بس پھر اسی میں لگے رہتے ہیں ۔ اگر یہ لوگ تھوڑے ٹھنڈے رہیں تو انکے لیے بہتر ہے۔

اکشے کمار میں یہ تمام خصوصیات واضح طور پر دیکھی جا سکتی ہیں۔