بُرج حوت کی مشہور شخصیات
عالیہ بھٹ
عالیہ بھٹ جو کہ بولی وڈ کو تھوڑے ہی عرصے میں فتح کر چکی ہیں، انکی ایکٹنگ اور سٹائل نے انھیں پہلی فلم میں ہی ہر دلعزیز بنا دیا تھا۔ پروڈیوسر مہیش بٹ کی بیٹی اور اداکارہ پوجا بھٹ کی بہن ہیں ،تبھی بچپن سے ہی اداکاری کا کیڑا ان میں موجود ہے۔ عالیہ صحیح معنوں میں آج کی لڑکی ہے جسے آزاد رہنا اچھا لگتا ہے۔ ہر وہ کام جس میں لوگ شرماتے ہے عالیہ ڈنکے کی چوٹ پہ کرتی ہیں۔ گویا یہ من موجی ہیں جنھیں باندھا نہیں جاسکتا۔ دوستوں کیساتھ گھومنا ، 12 12 گھنٹے سونا، پنگے لینا انکے پسندیدہ ترین مشاغل ہیں۔
عالیہ ہٹلر سے بہت متاثر ہیں اور اس کے بارے میں کئی کتابیں پڑھ چکی ہیں۔ کچھ عرصہ پہلے ایسی افواہیں پھیلی تھیں کہ عالیہ بھٹ، رنبیر کپور کو پسند کرتی ہے، لیکن حقیقت یہ ہے کہ عالیہ ایک معروف موبائل ایپ کے مالک میٹال سے قربت بڑھا رہی ہیں۔ شاہ رخ خان کے ساتھ کام کے تجربے کے بارے میں وہ کہتی ہیں کہ شروع میں تو میں نے گھبراہٹ میں اپنے سارے ناخن ہی کھا لیے تھے، لیکن ان کے ساتھ تھوڑا وقت صرف کرنے کے بعد میں ان کی مداح ہو گئی ہوں۔ عالیہ کا کہنا ہے کہ اصل زندگی میں میں بہت جذباتی ہوں اور اپنے جذبات کو بند کمرے میں چلا کر اور رو کر نکالتی ہوں، یہاں تک کہ خوش ہونے پر بھی روتی ہوں۔ عالیہ فٹنس کے معاملے میں کافی سنجیدہ ہیں۔ جم کو کافی ٹائم دیتی ہیں تا کہ ہر فلم کی ضرورت کے مطابق باڈی کو مولڈ کر سکیں۔ جانوروں سے بڑی محبت رکھتی ہیں،تبھی انکے حقوق کا خیال رکھنے والے اداروں سے منسلک ہیں۔ دل کی نرم او ر لوگوں کی مدد کرنے کا جذبہ رکھنے والی شخصیت ہے عالیہ کی۔ عالیہ کے متعلق ایک دلچسپ بات یہ ہے کہ لیڈیز پرفیوم چھوڑ کر یہ مینز پرفیوم استعمال کرتی ہیں۔ انکو مردوں میں ایک ہی چیز مائل کرتی ہے۔ اور وہ ہے اچھی خوشبو۔
تاریخ پیدائش اور بُرج
آئیے ذرا عالیہ بھٹ کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 15 مارچ 1993 (عمر 25 سال)۔ مقام: ممبئی، انڈیا
برج حوت کے لوگ کافی دوستانہ طبیعت کے مالک ہوا کرتے ہیں ۔تبھی انکی کمپنی میں آپکو مختلف طرح کے لوگ ملیں گے۔ یہ دوسروں کی مدد کا جذبہ اتنا رکھتے ہیں کہ خود کو بھو ل جاتے ہیں ۔ اکیلے رہنا اور سونا انکو کچھ زیادہ ہی پسند ہوتا ہے۔ لوگوں پہ بھروسہ کافی جلدی کر لیا کرتے ہیں۔ یہ لوگ ذرا سا خودکومحتاط کر لیں تو کیا ہی بات ہے۔
عالیہ بھٹ میں یہ تمام خصوصیات واضح طور پر دیکھی جا سکتی ہیں۔

 
 
مشہورحوت شخصیات کے متعلق دلچسپ حقائق
سید نور
سٹیو جابز
گراہم بیل (ٹیلی فون ایجاد کرنے والا)
جارج واشنگٹن (پہلا امریکی صدر)
مائیکل انجیلو
وکٹر ہیوگو (انٹرنیشنل ادیب)
الزبتھ ٹیلر
اسامہ بن لادن
 
مشہورحوت شخصیات کے متعلق دلچسپ حقائق
سید نور
گراہم بیل (ٹیلی فون ایجاد کرنے والا)
مائیکل انجیلو
الزبتھ ٹیلر
سٹیو جابز
جارج واشنگٹن (پہلا امریکی صدر)
وکٹر ہیوگو (انٹرنیشنل ادیب)
اسامہ بن لادن


 
 
 
ہوم پیج دیگر منتخب آرٹیکلز

گلوکارہ شکیرا کا بُرج
شکیرا برِاعظم جنوبی امریکہ کے ملک کولمبیا کی پہلی سنگر ہیں جو کہ شہرت کے ساتویں آسمان پہ ہیں۔ انھوں نے بہت سے گانے گائے لیکن فٹ بال ورلڈ کپ کے موقع پر واکا واکا نے جو بلندی دی ، وہ بے مثال ہے۔ شکیرا کے نام کا مطلب شکر گزار ہے جو کہ انھیں خود بہت پسند ہے۔ کافی ساری زبانیں بول لیتی ہیں جیسے کہ عربی، فرنچ، انگریزی، اٹالین۔ انکی فیملی ہی اتنی بڑی ہے کہ سبھی سے کچھ نہ کچھ سیکھ لیا انھوں نے۔ دادی ماں سے بیلے ڈانس سیکھا ۔ ساتھ ہی ساتھ شکیرا نہایت ذہین بھی ہیں، انکا آئی کیو 140 ریکار ڈ کیا گیا ہے۔۔ ۔ جی بالکل ! 140۔ جبکہ ایک عام انسان کا آئی کیو 90 سے 110 کے درمیان ہوتا ہے۔شکیرا اگر پروفیسر یا سائنسدان ہوتیں تو بھی بہت ترقی کرتیں۔
13 سال کی عمر میں شکیرا نے اپنی آواز کا جادو پہلی بار بکھیرا ، جو تیس سال گزرنے کے بعد بھی ویسا ہی ہے۔ شکیرا کو ٹینس، گالف، باسکٹ بال اور سوئمنگ انتہائی پسند ہیں۔ کہیں بھی جانا ہو،انکا آل ٹائم فیورٹ کلر بلیک ہے ۔ اپنے تین کتوں سے انکو بہت لگاؤ ہے ۔ہر وقت انکے ساتھ رہنا پسند کرتی ہیں۔ انھیں چاکلیٹ ہر وقت اور ہر طرح کی پسند ہے۔ محبت ایک ہی شخص سے کی، جو کہ کافی ڈرامائی اظہار تھا ، فٹ بالر جیرارڈ کی طر ف سے، جسے شکیرا نے قبو ل بھی کیا۔ اب ان دونوں کے دو بچے ہیں اور بہت اچھی زندگی گزار رہے ہیں۔
تاریخ پیدائش اور بُرج
آئیے ذرا شکیرا کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 2 فروری 1977 (عمر 41سال)۔ مقام: کولمبیا، جنوبی امریکہ
تاریخ پیدائش کے مطابق انکا برج دلو ہے۔ برج دلو کے لوگ تر قی پسند ہوا کرتے ہیں ۔انھیں آگے بڑھتے رہنے کی تڑپ سونے ہی نہیں دیتی ۔ ان لوگوں میں بناوٹ نہیں ہوتی۔ جیسے اندر سے ہوتے ہیں، ویسے ہی باہر سے بھی ہوتے ہیں۔ کسی پہ انحصار کرنا انکی فطرت میں شامل نہیں ہے۔ انکی کمزوریوں میں جذباتی ہو جانا، اپنے غصے پہ قابو نہ کرنا اور ذرا سا بھی سمجھوتا نہ کرنا، شامل ہیں۔ اگر ان سب پہ کنٹرول ہو جائے تو یہ لوگ بہتر زندگی گزار سکتے ہیں۔
یہ تمام خصو صیات شکیرا میں موجود ہیں۔

 

اشفاق احمد کا بُرج
اشفاق احمد پاکستان کے نامور افسانہ نگار، ڈرامہ نگار اور نثر نگار ہیں۔ ادب کی دنیا میں انکی خدمات قابل ستائش ہیں۔ انکی تحریریں بھٹکے ہوئے انسانوں کیلئے بھی راہ راست کا سبب ہیں۔ انکے ڈرامے اور ناول ریڈیو اور ٹی وی دونوں ہی کی زینت بنے ہیں۔ ہجرت کے بعد پاکستان آگئے۔ ہجرت کے دوران اشفاق صاحب اعلان کرنے کا کام کرتے تھے اور اسی وجہ سے انھیں ریڈیو آزاد کشمیر میں نوکری دے دی گئی۔ انکی آواز اتنی اچھی تھی کہ لوگ بڑے شوق سے سنتے تھے۔
گورنمنٹ کالج لاہور میں اردو لٹریچر پڑھا۔ کالج میں بانو قدسیہ انکی کلاس فیلو تھی اور وہیں اشفاق صاحب نے فیصلہ کر لیا کہ عمر بھر کے ساتھ کیلئے بانو ہی چاہیئے۔ بانو بھی کہانیاں لکھتی تھی اور یہ بھی، دونوں کی جوڑی ایک دم فٹ تھی۔ اشفاق صاحب کو بانو کا دل جیتنے کیلئے کئی جتن کرنے پڑے، کیونکہ بانو عام لڑکیوں جیسی تو تھی نہیں۔
انہوں نے روم جا کروہاں کی یونیورسٹی میں بھی اردو پڑھائی۔ اٹلی میں اردو نیوز کاسٹر کی خدمات بھی انجام دیں۔ انکی خدمات کی وجہ سے ستارہ امتیاز سے بھی نوازا گیا۔ اشفاق احمد اب دنیا میں نہیں رہے، مگر ان کی تحریریں نوجوان نسل کیلئے آج بھی سبق آموز ہیں۔
تاریخ پیدائش اور بُرج
تاریخ پیدائش: 22 اگست 1925ء۔ مقام: برٹش انڈیا
آئیے ذرا اشفاق احمد کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج اسد ہے۔ برج اسد کے لوگوں میں عام لوگوں سے زیادہ ہنر پائے جاتے ہیں یہ اپنی ذات کو جانچنے میں کمال رکھتے ہیں۔ انکا وقار ہر کام میں نظر آتا ہے جس کام میں ہاتھ ڈالتے ہیں اسے سونا کر دیتے ہیں۔ لیکن بس انکی تیزی انکے لیے پریشانیوں کا باعث بنتی ہے۔ اگر یہ جلد بازی چھوڑ دیں تو کیا ہی بات ہے۔
اشفاق ا حمد میں یہ تمام عادات نمایاں ہیں۔


اپنے تاثرات بیان کریں !