عالیہ بھٹ جو کہ بولی وڈ کو تھوڑے ہی عرصے میں فتح کر چکی ہیں، انکی ایکٹنگ اور سٹائل نے انھیں پہلی فلم میں ہی ہر دلعزیز بنا دیا تھا۔ پروڈیوسر مہیش بٹ کی بیٹی اور اداکارہ پوجا بھٹ کی بہن ہیں، تبھی بچپن سے ہی اداکاری کا کیڑا ان میں موجود ہے۔ عالیہ صحیح معنوں میں آج کی لڑکی ہے جسے آزاد رہنا اچھا لگتا ہے۔ ہر وہ کام جس میں لوگ شرماتے ہے عالیہ ڈنکے کی چوٹ پہ کرتی ہیں۔ گویا یہ من موجی ہیں جنھیں باندھا نہیں جاسکتا۔ دوستوں کیساتھ گھومنا، 12 12 گھنٹے سونا، پنگے لینا انکے پسندیدہ ترین مشاغل ہیں۔

عالیہ ہٹلر سے بہت متاثر ہیں اور اس کے بارے میں کئی کتابیں پڑھ چکی ہیں۔ کچھ عرصہ پہلے ایسی افواہیں پھیلی تھیں کہ عالیہ بھٹ، رنبیر کپور کو پسند کرتی ہے، لیکن حقیقت یہ ہے کہ عالیہ ایک معروف موبائل ایپ کے مالک میٹال سے قربت بڑھا رہی ہیں۔ شاہ رخ خان کے ساتھ کام کے تجربے کے بارے میں وہ کہتی ہیں کہ شروع میں تو میں نے گھبراہٹ میں اپنے سارے ناخن ہی کھا لیے تھے، لیکن ان کے ساتھ تھوڑا وقت صرف کرنے کے بعد میں ان کی مداح ہو گئی ہوں۔ عالیہ کا کہنا ہے کہ اصل زندگی میں میں بہت جذباتی ہوں اور اپنے جذبات کو بند کمرے میں چلا کر اور رو کر نکالتی ہوں، یہاں تک کہ خوش ہونے پر بھی روتی ہوں۔ عالیہ فٹنس کے معاملے میں کافی سنجیدہ ہیں۔ جم کو کافی ٹائم دیتی ہیں تا کہ ہر فلم کی ضرورت کے مطابق باڈی کو مولڈ کر سکیں۔ جانوروں سے بڑی محبت رکھتی ہیں، تبھی انکے حقوق کا خیال رکھنے والے اداروں سے منسلک ہیں۔ دل کی نرم اور لوگوں کی مدد کرنے کا جذبہ رکھنے والی شخصیت ہے عالیہ کی۔ عالیہ کے متعلق ایک دلچسپ بات یہ ہے کہ لیڈیز پرفیوم چھوڑ کر یہ مینز پرفیوم استعمال کرتی ہیں۔ انکو مردوں میں ایک ہی چیز مائل کرتی ہے۔ اور وہ ہے اچھی خوشبو۔

آئیے ذرا عالیہ بھٹ کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔

تاریخ پیدائش: 15 مارچ 1993 (عمر 25 سال)۔ مقام: ممبئی، انڈیا

تاریخ پیدائش کے مطابق انکا برج حوت ہے۔ برج حوت کے لوگ کافی دوستانہ طبیعت کے مالک ہوا کرتے ہیں۔ تبھی انکی کمپنی میں آپکو مختلف طرح کے لوگ ملیں گے۔ یہ دوسروں کی مدد کا جذبہ اتنا رکھتے ہیں کہ خود کو بھو ل جاتے ہیں۔ اکیلے رہنا اور سونا انکو کچھ زیادہ ہی پسند ہوتا ہے۔ لوگوں پہ بھروسہ کافی جلدی کر لیا کرتے ہیں۔ یہ لوگ ذرا سا خودکومحتاط کر لیں تو کیا ہی بات ہے۔

عالیہ بھٹ میں یہ تمام خصوصیات واضح طور پر دیکھی جا سکتی ہیں۔

پرنس فلپ، برطانیہ کی ملکہ الزبتھ کے شوہر اور شہزادہ چارلس کے والد محترم ہیں۔ الزبتھ سے انکی ملاقات ایک شادی میں ہوئی جب وہ صرف 8 سال کی تھی۔ نوجوان الزبتھ 13 سال کی عمرمیں ہی خوبروفلپ کی محبت میں گرفتار ہو گئی۔ پرنس فلپ برطانوی شاہی نیوی میں بھی رہےاور دوسری جنگ عظیم میں حصہ بھی لیا۔ جنگ کے بعد 1947 میں دونوں کی شادی بڑی دھوم دھام سے ہوئی۔ 200 ملین لوگوں نے انکی شادی کو ٹی وی پر دیکھا۔ شادی کے تحفے کے طور پر فلپ نے اپنی بیوی کو اپنے ہاتھوں سے بنا ہوا بریسلٹ دیا۔ ان کے چار بچے ہیں، ایک شہزادی اور تین شہزادے۔

پرنس فلپ نے شادی سے ایک دن پہلے سگریٹ نوشی چھوڑ دی تھی اور پھر آج تک نہیں کی۔ فلپ نے اپنے بیٹے شہزادہ چارلس اور بہو لیڈی ڈیانا کے درمیان اختلافات دور کرنے کی بھرپور کوشش کی تھی، لیکن صورتحال زیادہ بگڑ چکی تھی اور دونوں کے درمیان طلاق ہو گئی۔ فلپ کا شمار انگلینڈ کے بہترین لباس پہننے والے لوگوں میں ہوتا ہے۔ اچھی صحت رکھتے ہیں اور چند سال بعد سو سال کی عمر کو پہنچنے والے ہیں۔ دنیا کے 170 ملک گھوم چکے ہیں، کیونکہ یہ ہمیشہ سے کافی ایکٹو رہے ہیں۔ آج تک 5000 تقاریرکر چکے ہیں۔ انکی چیرٹی بہت زیادہ ہے، یہ 780 اداروں کو چیرٹی دیتے ہیں۔

تاریخ پیدائش: 10جون 1921 (عمر96 سال)۔ مقام: یونان

آئیے ذرا پرنس فلپ کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔

تاریخ پیدائش کے مطابق انکا برج جوزا ہے۔ برج جوزا کے لوگ انتہائی ذہین ہوتے ہیں۔ انھیں قدرت نے بولنے کی عمدہ صلاحیتوں سے نوازا ہوتا ہے۔ ان کا بات کرنے کا طریقہ ہر کسی کو سننے پر مجبور کر دیتا ہے۔ ہمیشہ لوگوں میں خوشیاں پھیلاتے رہتے ہیں۔ بڑی سمجھداری سے ہر مسئلے کا حل نکال لیتے ہیں۔ لیکن یہ لوگ مستقل مزاج نہیں ہوتے اور دہرا رویہ رکھتے ہیں جسکی وجہ سے انکے آس پاس لوگ الجھن میں ہی رہتے ہیں۔ اگر یہ اپنی شخصیت کو ذرا سا بدل لیں تو اس کےمثبت اثرات مرتب ہو سکتے ہیں۔

پرنس فلپ میں یہ خوبیاں دیکھی جا سکتی ہیں۔