بُرج عقرب کی مشہور شخصیات
بل گیٹس
دنیا کے امیر ترین انسان بل گیٹس کا اصل نام ولیم گیٹس ہے (آپ کے لیے یہ بات دلچسپی کا باعث ہو گی کہ انگریزوں کے ہاں ولیم نام کو مختصر کر کے بل پکارا جاتا ہے۔ اسی وجہ سے سابق امریکی صدر بل کلنٹن کے نام کے شروع میں بھی بل لکھا جاتا ہے، حالانکہ ان کا اصل نام ولیم کلنٹن ہے۔ اور یہ بات بہت کم لوگ جانتے ہیں)۔ بل گیٹس کی دولت میں اضافہ اتنی تیزی سے ہوا ہے کہ تیل سے دولت کمانے والے عرب شیخ بھی حیران رہ گئے۔
بل گیٹس کی کامیابی میں ایک اور شخص کا بھی ہاتھ ہے؟ جی ہاں اور وہ شخص ہے ان کا بچپن کا دوست ایلن۔ ان دونوں نے مل کر 1975 میں مائیکروسافٹ کمپنی کی بنیاد رکھی۔ اس وقت بل گیٹس کی عمر صرف 20 سال تھی۔ بل گیٹس نے ونڈوز (Windows) بنا کر ایک ایسا کارنامہ سرانجام دیا کہ آج دنیا کے تقریباً ہر کمپیوٹر میں مائیکروسافٹ کی بنائی ہوئی ونڈوز ہی چل رہی ہے جسے چلانا نہایت ہی آسان ہے۔ اسی ونڈوز نے بل گیٹس کو دنیا کا امیر ترین شخص بنا دیا۔
بل گیٹس کی کمپنی مائیکروسوفٹ کا اپنی مخالف سوفٹ وئیر کمپنی ایپل سے ہمیشہ سخت مقابلہ رہا ہے۔ ایپل کمپنی کے بانی کا نام سٹیو جابز (Steve Jobs) ہے۔ ماضی میں دونوں میں دوستی اور دشمنی کا رشتہ رہا ہے، اور دونوں ایک دوسرے پر اپنے آئیڈیاز چرانے کا الزام بھی لگا چکے ہیں۔
بل گیٹس نے 1994 میں ملینڈا سے شادی کی۔ شادی کی تقریب ایک جزیرے کے ہوٹل میں ہوئی۔ میڈیا کی غیر ضروری مداخلت سے بچنے کے لیے بل گیٹس نے ہوٹل کے تمام کمرے اپنے نام پر بُک کروا لیے۔ اس کے علاوہ جزیرے کی طرف آنے والے تمام ہیلی کاپٹر بھی بل گیٹس نے اپنے نام پر بُک کروا لیے تا کہ غیر ضروری لوگ جزیرے پر نہ پہنچ سکیں۔ بل گیٹس کی دو بیٹیاں اور ایک بیٹا ہے۔ بل گیٹس اپنے بچوں کے لیے کافی فکرمند ہیں، حتٰی کہ انہوں نے چودہ سال کی عمر تک اپنے کسی بچے کو موبائل فون لے کر نہیں دیا۔ دونوں میاں بیوی اپنے بچوں پر اندھا دھند دولت نچھاور نہیں کرتے تا کہ کہیں وہ بگڑ نہ جائیں اور محنت سے گھبرانے والے نہ بن جائیں۔
دولت کے انباروں کے مالک ہونے کے باوجود بل گیٹس مذہبی شخص ہیں اور اپنی فیملی کے ساتھ چرچ بھی جاتے ہیں۔ بل گیٹس اپنی بیوی کے ہمراہ خدمت خلق کے بہت سے ادارے بھی چلا رہے ہیں۔ حال ہی میں ان سے پوچھا گیا کہ امیر ترین شخص ہونے کے باوجود وہ امریکہ کا صدر بننے کے لیے الیکشن میں حصہ کیوں نہیں لیتے؟ تو ان کا جواب یہ تھا کہ خدمت خلق کے ادارے میں کام کرنے سے مجھے جو سکون اور خوشی ملتی ہے وہ امریکہ کا صدر بن کر نہیں ملے گی۔
بل گیٹس کئی سالوں تک دنیا کے امیر ترین انسان رہے ہیں۔ لیکن اس وقت دولت کے لحاظ سے ان کا دنیا میں دوسرا نمبر ہے۔ پہلے نمبر پر جو شخص ہے اس کا نام ہے جیف بیزوز (Jeff Bezos)۔ جیف بیزوز آن لائن شاپنگ کی مشہور ویب سائٹ امیزون (Amazon) کے بانی ہیں۔ ان کی دولت اس وقت یعنی 2018 میں تقریباً 119 ارب ڈالر ہے۔ جبکہ بل گیٹس کی دولت 92 ارب ڈالر ہے۔ فیس بک کے بانی مارک زکربرگ کی دولت اس وقت 77 ارب ڈالر ہے اور وہ دولت کے لحاظ سے دنیا میں پانچویں نمبر پر ہیں۔
تاریخ پیدائش اور بُرج
آئیے ذرا بل گیٹس کی تاریخ پیدائش پر غور کرتے ہیں اور ان کے بُرج کا حال اور ان کی کامیابی کا راز جاننے کی کوشش کرتے ہیں۔
تاریخ پیدائش: 28 اکتوبر 1955 (عمر 62 سال)۔ مقام: واشنگٹن امریکہ
تاریخ پیدائش کے لحاظ سے بل گیٹس کا بُرج عقرب (Scorpio) ہے۔ بُرج عقرب والےتیز دماغ اور شاطر ہوتے ہیں۔ اگر اپنے دماغ کو مثبت کاموں میں استعمال کریں تو بہت ترقی کرتے ہیں۔یہ بہادر بھی ہوتے ہیں اور کسی قسم کا خوف نہیں رکھتے۔لگن سے بھرپور ہوتے ہیں اور محنت کرنا پسند کرتے ہیں اور اسی وجہ سے جلد کامیاب بھی ہو جاتے ہیں۔ لیکن اگر محنت اور عقل سے کام نہ لیں اور منفی سرگرمیوں میں پڑ جائیں تو بہت پیچھے رہ جاتے ہیں۔
بُرج عقرب کے لوگ ضدی بھی ہوتے ہیں اورجیلسی کا عنصر بھی ان میں پایا جاتا ہے جو کہ ان کی کامیابی میں ہمیشہ رکاوٹ بنتا ہے اور وہ نقصان اٹھاتے ہیں۔
اگر بُرج عقرب والے خواتین و حضرات اپنے اندر سے ضد، جیلسی اورغصہ نکال دیں تو بہت کامیاب ہوں گے۔
مشہورعقرب شخصیات کے متعلق دلچسپ حقائق
جنرل قمرباجوہہیلری کلنٹناندرا گاندھیمصور پکاسومیڈم کیوریمارٹن لوتھرگیلپبُرج عقرب (Scorpio)
مہاتما گاندھی کا بُرج
پورا نام موہن داس کرم چند گاندھی ہے، انڈیا کے بابائے قوم ہیں۔ انڈیا میں باپو کے نام سے بھی مشہور ہیں کیونکہ پورا انڈیا انکو اپنا باپ مانتا ہے۔ بھارت کی آزادی اور وہاں امن قائم کرنے کیلئے گاندھی صاحب نے ہر ممکن کوشش کی۔ گاندھی صاحب 21 دن تک بغیر کھائے پیئے رہ لیتے تھے اور انکے یہ ورت کئی کئی دن تک چلا کرتے تھے۔ ایسا وہ روحانی پاکیزگی حاصل کرنےکے لیے بھی کرتے اور بطور احتجاج بھی کرتے تھے۔ 13 سال کی عمر میں ہی انکی شادی کروا دی گئی تھی اور یہ 4 لڑکوں کے باپ بھی بنے۔ گاندھی نے برٹش حکومت کی ہمیشہ مخالفت کی اور انڈیا کی آزادی کی تحریک چلائی۔ تبھی 1944 میں انھیں انکی بیوی کیساتھ قید میں رکھا گیا اور قید میں ہی انکی بیوی کی وفات بھی ہوگئی۔
تاریخ کے یہ عظیم انسان لندن میں لاء پڑھتے ہوئے اپنی بری لکھائی کیوجہ سے مشہور تھے ۔لیکن کسے پتا تھا کہ ایک دن یہ بھارت کی تاریخ بدل کر رکھ دینگے۔ یہ با ہمت انسان نہایت سادہ زندگی بسر کرتے۔ کھانے میں زیادہ تر پھل کھاتے اور وہ بھی سستے مثلاً کیلے، کجھور، مونگ پھلی، زیتون کا تیل وغیرہ۔ دھوتی اور شلوار کو بطور لباس استعمال کرتے اور ان کا کپڑا بذات خود چرخے پر بُنتے۔ایک دن میں 18 کلومیٹر پیدل چلا کرتے تھے ۔ انکی ہمت اور حوصلہ بے مثال تھا ۔ انکو خراج تحسین پیش کرنے کیلئے ایپل کمپنی کے بانی سٹیو جابز نے انکے جیسی گول عینک پہنی۔ سٹیو انکی شخصیت سے بہت متاثر ہیں۔
گاندھی صاحب ساری زندگی امن اور عدم تشدد کے لیے کوشاں رہے، لیکن قدرت کی ستم ظریفی دیکھئے کہ ان کی وفات گولی لگنے سے ہوئی ، جو کہ ایک ہندو انتہا پسند نے ان پر چلائی تھی۔ اس ہندو کا یہ خیال تھا کہ گاندھی پاکستان کے لیے نرم گوشہ رکھتے ہیں۔ حالانکہ حقیقت یہ تھی کہ گاندھی انڈیا کی انگریزوں سے آزادی تو چاہتے تھے لیکن انڈیا کی تقسیم کے خلاف تھے۔ دوسری طرف محمد علی جناح تھے جن کی کوششوں سے انگریز انڈیا کی تقسیم پر راضی ہو گئے۔
گاندھی جی کا یہ بیان بہت مشہور ہے کہ ۔۔۔ بہت سی وجوہات ہیں، جن کے لیے میں قتل ہونے کو تیار ہوں۔ لیکن ایک بھی وجہ ایسی نہیں ہے کہ جس کی خاطر میں قتل کرنے کے لیے تیار ہوجاؤں۔
تاریخ پیدائش اور بُرج
آئیے ذرا مہاتما گاندھی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 2 اکتوبر 1869 (عمر 78 سال)۔ مقام: گجرات، انڈیا
تاریخ پیدائش کے مطابق انکا برج میزان ہے۔ برج میزان کے لوگوں کی بات کی جائے تو ان میں ہمدردی کا جذبہ عروج پر ہوتا ہے۔ یہ ہر وقت اور ہر کسی کیلئے ہمیشہ دستیاب رہتے ہیں۔ انصاف کے تقاضوں کو یہ لوگ پورا کرنے کی کوشش میں لگے رہتے ہیں۔ اپنے دل کے ہاتھوں مجبور ہو کر یہ لو گ فیصلہ کرنے میں تھوڑے ڈگمگا جاتے ہیں ۔اگر اس پر قابو پا لیں تو ان سے بہتر کوئی نہیں۔
مہاتما گاندھی میں یہ تمام خصوصیات واضح طور پر دیکھی جا سکتی ہیں۔
ولیم شیکسپیئر کا بُرج
انگریزی زبان کے آج تک کے سب سے بڑے رائٹر ہیں۔ انگلش زبان شیکسپیئر کے بغیر نا مکمل سمجھی جا تی ہے۔ دنیا کا سب سے بڑا ڈرامہ نگار بھی انہیں مانا جاتا ہے۔ انہیں انگلینڈ کے قومی شاعر کا درجہ بھی حاصل ہے۔ لیکن یہ بہت کم لوگ جانتے ہیں کہ رائٹر ہونے کے علاوہ یہ بزنس مین اور ایکٹر بھی تھے۔ اپنے بہت سے ڈراموں میں انھوں نے خود پر فارم کیا۔ اتنے بڑے ڈرامہ نگار ہونے کے باوجود شیکسپیئر نے نہ خود کوئی بڑی ڈگری لے رکھی تھی، نہ انکے والدین نے اور نہ ہی انکے بچوں نے۔ شیکسپیئر کبھی اپنے نام کے صحیح سپیلنگ یاد نہ کر پائے، سپیلنگ کے معاملے میں ذرا کمزور تھے۔
شیکسپیئر کی شادی 8 سال بڑی عمر کی لڑکی سے ہوئی، اس وقت شیکسپیئر کی عمر صرف 18 سال تھی۔ انکے سٹیج ڈراموں میں کسی خاتون نے پر فارم نہیں کیا کیونکہ ان دنون انگلینڈ میں خواتین کو سٹیج پرفارمنس دینے کی اجازت نہیں ہوا کرتی تھی، تمام کردار مرد ہی ادا کرتے تھے۔ شیکسپیئر ایک بڑی فیملی سے تعلق رکھتے تھے۔ انکے سات بہن بھائی تھے۔ ناں صرف ڈرامے بلکہ بہت سے الفاظ بھی شیکسپیئر کی طرف سے انگریزی زبان کو دیئے گئے، آپ کو یہ پڑھ کر حیرت ہو گی انگریزی زبان کو 1700 سے 3000 الفاظ ان کے دیے ہوئے ہیں۔ رومیو اینڈ جولیٹ ان کی مشہور تخلیق ہے جو کہ ایک ٹریجڈی سٹوری ہے۔
ہالی وڈ کی ابتدائی فلمیں شیکسپیئرہی کے کرداروں سے متاثر ہو کر بنائی گئی تھیں۔ دنیا بھر میں اب تک شیکسپیئر کے ڈراموں پر مبنی کوئی 420 فلمیں بنائی جا چکی ہیں۔ کسی اور رائٹر کو اتنا نہیں فلمایا گیا، جتنا کہ شیکسپیئر کو۔ شیکسپیئر کی مقبولیت میں مستقبل میں بھی کوئی کمی آتی دکھائی نہیں دیتی۔ کیونکہ ان کے زندگی، موت، نفرت، محبت ، نیکی اور بدی کے موضوعات ہردور میں، ہر ملک میں اور ہر ثقافت میں ہمیشہ موجود رہے ہیں۔ انہوں نے انقلابیوں اوردانشوروں کو ہی متاثر نہیں کیا بلکہ عام عوام کو بھی متاثر کیا۔ یہی ان کی کامیابی کا راز ہے۔
تاریخ پیدائش اور بُرج
تاریخ پیدائش: 26اپریل 1564 (عمر52 سال)۔ مقام: انگلینڈ
آئیے ذرا ولیم شیکسپیئر کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج ثور ہے۔ برج ثور کے لوگوں کی بات کی جائےتو انھیں قدرت نے آرٹسٹک ذہنیت سے نوازا ہوتا ہے۔ ان پر کبھی بھی بھروسہ کیا جائے یہ اسکی لاج ضرور رکھتے ہیں۔ سب کے ساتھ وفاداری سے چلتے ہیں۔ لیکن انکا نقطہ نظر ذراتنگ ہوتا ہے۔ ہر چیز کو اپنی نظر سے دیکھتے ہیں۔ چاہے وہ زاویہ ٹھیک ہو یا ناں۔ انھیں دوسروں کو بھی تھوڑا سمجھنا چاہیئے۔
ولیم شیکسپیئر میں یہ تمام خوبیا ں موجود ہیں۔