بُرج عقرب کی مشہور شخصیات
شیخ رشید
پاکستان کے نامی گرامی کنوارے سیاست دان جو اپنی بڑی بڑی باتوں اور پیشن گوئیوں کے باعث آئے روز خبروں کا حصہ بنے رہتے ہیں۔ ٹاک شوز اور جلسوں میں اپنی باتوں کا جادو چلاتے رہتے ہیں ، اور اکثر انھی باتوں کی و جہ سے اپنے پاؤں پہ کلہاڑی بھی مار لیتے ہیں۔ بڑا بول بول جاتے ہیں اور پھر خود کو بچانے کے لئے یو ٹرن لے لیتے ہیں۔انکی مصالحے دار باتیں بڑی مزے کی ہوتی ہیں۔ عمران خان کا بھر پور ساتھ دے رہے ہیں ۔ ایک جلسہ میں جوش میں آکر استعفیٰ دینے کی بات تک کر گئے لیکن پھر وہی، ہمیشہ کی طرح یو ٹرن۔
زمانہ طالب علمی سے سیاست میں حصہ لے رہے ہیں۔ سیاست کے ہی نہیں بلکہ مزاج کے بھی کافی رنگین ہیں، انکے افیئرزہمیشہ سے مشہور ہیں۔ انجمن سے لیکر ریما تک سب پہ کوشش کر چکے ہیں۔ ریما کے ساتھ شادی کرنے کے لیے اس کی والدہ کی کافی منتیں بھی کیں، لیکن بے سود۔ کئی کوششوں کے بعد بھی خالی ہاتھ۔ شیخ صاحب ابھی تک غیر شادی شدہ ہیں۔ لیکن لڑکی نہ صحیح بریانی ہی صحیح۔ شیخ رشید صاحب بریانی کے بہت شو قین ہیں او ر اس محبت سے انکو کوئی دور نہیں کر سکتا۔
تاریخ پیدائش اور بُرج
آئیے ذرا شیخ رشید کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 6 نومبر 1950 (عمر 67 سال)۔ مقام: راولپنڈی، پاکستان
برج عقرب کے لوگ بہت بہادر اور جوشیلے ہوا کرتے ہیں۔ ان میں جوش اور جذبہ کوٹ کوٹ کر بھرا ہوتا ہے۔ ہر کام کو کرنے کے لئے نت نئے طریقے ڈھونڈھ لیتے ہیں۔ اسکے علاوہ دوستی میں بھی ان کی کوئی مثال نہیں، ہر قدم پہ دوستی نبھاتے ہیں۔ بڑے رازدار لوگ ہوتے ہیں، اپنے راز کسی کو نہیں بتاتے۔ لیکن تھوڑے بچگانہ ہوتے ہیں ۔یہ لوگ تشدد پسند ہوتے ہیں اور حسدبھی کرتے ہیں۔ اگر یہ لوگ ان چیزوں پہ قابو پا لیں تو بہت اچھے رہ سکتے ہیں۔
شیخ رشید میں یہ تمام خصوصیات واضح طور پر دیکھی جا سکتی ہیں۔

 
 
مشہورعقرب شخصیات کے متعلق دلچسپ حقائق
جنرل قمرباجوہ
ہیلری کلنٹن
اندرا گاندھی
مصور پکاسو
میڈم کیوری
مارٹن لوتھر
گیلپ
مشہورعقرب شخصیات کے متعلق دلچسپ حقائق
جنرل قمرباجوہ
ہیلری کلنٹن
ریما خان
مصور پکاسو
مارٹن لوتھر
اندرا گاندھی
میڈم کیوری
گیلپ


 
 
 
ہوم پیج دیگر منتخب آرٹیکلز

علامہ اقبال کا بُرج
علامہ محمد اقبال جنھیں شاعر مشرق بھی کہا جاتا ہے، نہایت معروف شاعر، فلسفی، سیاست دان، بیرسٹر اور سکا لر تھے۔ پاکستان کی آزادی میں انکا بہت بڑا ہاتھ ہے، تبھی تو انھیں "پاکستا ن کا روحانی باپ" کہا جاتا ہے۔ اقبال نہ صرف پاکستان کے لیے با عث فخر ہیں بلکہ کنگ جارج جیسے لوگوں نے بھی انھیں مدعو کیا اور سر کا خطاب دیا۔ اردو اور فارسی میں انھوں نے اپنے قلم کے ذریعے لوگوں کی رہنمائی کی، جسکی بنا پر انھیں مفکر پاکستان اور حکیم الامت کہا گیا۔ عربی میں بھی انکا کام قابل تعریف ہیں۔
انکی پہلی کتاب اسرار خودی فارسی زبا ن میں تھی جسکی کئی زبانوں میں تشریح ہوئی۔ انھوں نے جرمنی میں بھی کافی ٹائم گزارا اور تبھی انکی یاد میں وہاں اقبال کے نام سے ایک سٹریٹ بھی ہے، جو علامہ اقبال کی یاد کو آج بھی تازہ کرتی ہے۔ مغربی تعلیم حاصل کرنے کے باوجودعلامہ اقبال اسلام کی تعلیمات میں کافی سخت تھے اور ہمیشہ اسلام کواسکی صحیح تعلیمات کیساتھ فروغ دینے کی کوشش کرتے رہے۔ اقبال صاحب نے تین شادیاں کی۔ پہلی شادی 1895 میں کریم بی بی سے کی، اسکے بعد سردار بیگم اور پھر مختار بی بی انکی زوجیت میں آئیں۔
تاریخ پیدائش اور بُرج
تاریخ پیدائش: 9 نومبر 1877ء۔ مقام: سیالکوٹ، پاکستان
آئیے ذرا علامہ محمد اقبال کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج عقرب ہے۔ برج عقرب کے لوگ کافی بہادر ہوتے ہیں، ان سے بہتر سچا دوست کوئی نہیں ہوتا۔ انکے پاس اتنے وسائل ہوتے ہیں کہ ہر چیز کا حل نکا ل لیتے ہیں۔ جوش و جذبے کے اعتبار سے یہ کافی مکمل ہوتے ہیں۔ لیکن ان کی طبیعت میں تشدد شامل ہوتا ہے۔ اپنے پیاروں کے معاملے میں بڑے محتاط رہتے ہیں۔
علامہ محمد اقبال میں یہ تمام خوبیاں دیکھی جا سکتی ہیں۔

 

بروس لی کا بُرج
جئن فئن لی چینی اداکار تھے جو کہ بروس لی کے نام سے مشہور ہوئے۔ بروس لی کو مارشل آرٹ میں کمال حاصل تھا۔ ان کی کمال خوبی یہ تھی کہ وہ ایک دن میں 5000 بار مکا مارنے کی مشق کرتے، وہ بھی الگ الگ انداز میں۔ نو عمری میں بروس لی کا اپنا "ٹائیگر آف جنکشن سٹریٹ" نامی گینگ بھی تھا، جس کے وہ لیڈر تھے۔ بروس لی نے اپنی زندگی میں صرف ایک لڑائی ہاری وہ بھی 13 سال کی عمر میں۔ بروس لی کی خواہش تھی کہ وہ محمد علی کے ساتھ ایک لڑائی لڑیں مگر ان کی یہ خواہش پوری نہ ہو سکی۔ بروس لی مشہور باسکٹ بال کھلاڑی کریم عبدلجبار کے استاد تھے۔ بروس لی کو پانی سے نفرت تھی اور نہ ہی انہوں نے کبھی تیراکی کی۔ بروس لی کا شمار نظر کے لیز استعمال کر نے والے ابتدائی لو گوں میں ہوتا ہے۔
بروس لی کی شادی "لینڈہ لی" نامی لڑکی سے ہوئی۔ بعد ازاں ان کو اپنی ایک ساتھی اداکارہ "ٹینگ پائی" سے بھی محبت ہو گئی مگر ان کی اس محبت کو کوئی منزل نہ مل سکی جس کی وجہ ان کی شادی تھی۔ بروس لی کی موت کے بارے میں بہت سی افواہیں مشہور ہیں مگر ان کی موت کی وجہ ان کی دماغی بیماری تھی۔ بروس لی نے جب فلمی دنیا میں قدم رکھا تب ان کی عمر صرف 3 ماہ تھی۔ بروس لی نے "سائیلنٹ فلیٹ" نامی ایک فلم بھی لکھی جو کہ ان کی زندگی میں نہ بن سکی۔ بلاشبہ بروس لی نے مختصر مگر شاندار زندگی گزاری۔
تاریخ پیدائش اور بُرج
تاریخ پیدائش: 27 نومبر 1940ء۔ مقام: سان فرانسسکو، امریکہ
آئیے ذرا بروس لی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس سے تعلق رکھنے والے لوگ عموما ً امید سے بھر پور، مزاحیہ، سخی دل، بہادر، بے خوف، عقل مند اور روشن ضمیر ہوتے ہیں مگر ان کی بری عادت خود کو ہر معاملہ میں صحیح ثابت کرنا ہے۔ اگر بروس لی کی زندگی کا مطالعہ کیا جائے تو معلوم ہوتا ہے کہ ان کے برج کے متعلق بتائی گئی باتیں درست ہیں۔


اپنے تاثرات بیان کریں !