Sسے شروع ہونے والے ناموں کا مزاج
Sسے شروع ہونے والے ناموں کا مزاج

جن افراد کا نام S سے شروع ہوتا ہے، ان میں مندرجہ ذیل خصوصیات پائی جاتی ہیں:
  • ایسے لوگ جذباتی ہوتے ہیں۔
  • وہ تخلیق کی جانب مائل ہوتے ہیں۔
  • وہ صاحب وجدان اور دور اندیش ہوتے ہیں۔ ماضی کی غلطیوں سے سبق لیتے ہیں۔
  • ایک منفی ایس (S) کے مزاج میں اضطراب ممکن ہے۔
  • وہ بے حد معتبر، انتہائی قابل، ترقی پسند، تخلیقی ذہن اور درخشاں نظریات کے مالک ہوتے ہیں۔
  • ان کا دماغ بڑی تیزی سے کام کرتا ہے۔
  • وہ جذبات سے زیادہ عقل سےاور دل سے زیادہ دماغ سے کام لیتے ہیں، یہاں تک کہ محبت کے معاملات میں بھی اپنے جذبات کو دماغ کی چھلنی سے گزار کر اور نفع نقصان کے ترازو میں تول کر پھر کوئی قدم اٹھاتے ہیں۔
  • وہ کسی کام کو نا ممکن نہیں سمجھتے اور اس سوچ کے پیچھے انکے مضبوط نظریات اور تیز ذہانت کی کارفرمائی ہوتی ہے۔
  • وہ امن اور محبت کے پیر و کار اور صلح و آشتی کے علمبردار ہوتے ہیں۔
  • ان کے لیے اگر چہ اپنے نظریات کے مطابق زندگی گزارنا آسان نہیں ہوتا، اس کے باوجود اپنے اصولوں اور نظریات پر ہر گز سمجھوتہ نہیں کرتے بلکہ حالات کو اپنے لیے سازگار بنانے کی کوشش میں لگے رہتے ہیں۔
  • وہ اگر کسی سمت چل پڑیں تو اپنا راستہ یا طریقہ کار بڑی مشکل سے تبدیل کرتے ہیں۔
  • وہ اپنے نظریات کو اپنی انا کا مسئلہ بنالیتے ہیں۔ ایک تو وہ اپنے دل کی بات دوسروں سے چھپائے رکھتے ہیں، دوسرے کسی کی بات نہیں سنتے اور نہ ہی مناسب جواب سے ان کی تسلی ہوتی ہے بلکہ وہ ہر بات میں اپنی کرنے اور اپنی منوانے کی کوشش کرتے ہیں۔
  • وہ دوسروں کے معاملات میں دخل دے کر اگرچہ اپنی کامیابی کے امکانات پیدا کر لیتے ہیں، مگر اکثر یہ ان کی زندگی کا سخت ترین سبق ہوتا ہے۔
  • ان کی فطرت کا سب سے بڑا جوہر ثابت قدمی ہے۔ اس ثابت قدمی کے ساتھ جب وہ معاملات ہاتھ میں لیتے ہیں تو کامیابیاں ان کے قدم چومتی ہیں۔
  • وہ کاروبار میں منفی رحجانات کے زیر اثر آجائیں تو کاروبار کو فروغ دینے کے لیے ایک سے ایک غلط کام کر گزرتے ہیں اور اس سلسلے میں دوسروں کو نقصان پہنچانے سے بھی گریز نہیں کرتے۔
  • وہ جذباتی طور پر غیر جانبدار ہوتے ہیں اور دوسروں کے جذبات کا احساس کرنے کی بجائے ان کی بھلائی کاخیال ان کے دماغ پر چھایا رہتا ہے۔

دیگر حروف

 
 

 
 
 
 
ہوم پیج دیگر منتخب آرٹیکلز

شاہد کپور کا بُرج
بولی وڈ کے بہت کیوٹ ہیروز میں شاہد کا شمار ہوتا ہے۔ اداکاری، ڈانسنگ اور خوبصورتی ۔۔۔ تینوں میں ہی انکا کوئی مقابلہ نہیں۔ بیک گراؤنڈ ڈانسر سے ہیرو تک کے سفر میں شاہد نے بہت مشکلات کا سامنا کیا ہے اور جب بھی انھیں وہ دن یاد آتے ہیں تو ہر زخم ہرا ہو جاتا ہے۔ لیکن وہ کہتے ہیں نہ کہ سونے کو کندن بننے سے پہلے جلنا پڑتا ہے۔ آپ یقین نہیں کریں گے لیکن شاہد 100 سے زائد دفعہ آڈیشن میں ریجیکٹ ہوئےلیکن پھر بھی انھوں نے ہمت نہ ہاری۔
سب کو یہی لگتا ہے کہ کرینہ کپور انکی پہلی محبت تھی لیکن یہ سچ نہیں ہے۔ اس سے پہلے انکی زندگی میں ہرشتا بٹ تھی دونوں ایک دوسرے کی محبت میں گرفتاربھی تھے، لیکن پھر نہ جانے کیسے دور ہو گئے۔ انکا ایک چھپا ہوا ٹیلنٹ بھی ہے اور وہ یہ کہ ایئر کرافٹ یعنی جہاز اڑانا اچھے طریقے سے جانتے ہیں۔ 2015 میں ایک کالج کی لڑکی میرا راجپوت سے شادی کر کے اب یہ ایک بیٹی کے باپ بن چکے ہیں۔ میرا سے ان کی پہلی ملاقات ایک مذہبی اجتماع میں ہوئی تھی اور وہ شاہد سے 13 سال چھوٹی ہیں۔ ایک کتاب نے ان پر اتنا اثر ڈالا کہ یہ اب گوشت نہیں کھاتے۔ شاہدصاحب کو کتے انتہائی پسند ہیں ۔انھیں کتوں کیساتھ رہنا اتنا پسند ہیں کہ جب بھی وقت ملتا ہے کتوں کے ساتھ کھیلنا شروع کر دیتے ہیں۔
شاہد کپور کی والدہ نیلما عظیم بھی ایکٹریس ہونے کے ساتھ ساتھ کلاسیکل ڈانسر بھی ہیں۔ بدقسمتی سے 3 سال کی عمر میں اس کے والدین میں طلاق ہو گئی تھی اور اس نےاپنی والدہ اور نانا نانی کے ساتھ رہنا شروع کر دیا۔ شاہد کپور کا شناختی کارڈ پر نام شاہد خطار ہے، خطار دراصل اس کے سوتیلے والد کا فیملی نام ہے۔ شاہد کی والدہ نے حال ہی میں کلاسیکل سنگر رضا علی خان سے تیسری شادی کی ہے۔ شاہد کے اپنے والد اور سوتیلی والدہ سے بھی اچھے تعلقات ہیں۔ اس کی سوتیلی والدہ بھی ایکٹریس ہیں۔
تاریخ پیدائش اور بُرج
آئیے ذرا شاہد کپور کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 25فروری 1981 (عمر 37سال)۔ مقام: نئی دلی، انڈیا
تاریخ پیدائش کے مطابق انکا برج حوت ہے۔ برج حوت کے لوگوں کی جہاں بے شمار خوبیاں گنوائی جا سکتی ہیں جیسا کہ ہنر، عقل، جوش، جنون، شرافت وغیرہ۔ وہیں خوف اور حقیقت سے منہ پھیرنے والی عادات ان کے لیے پرابلم بھی پیدا کر سکتی ہیں۔ انھیں ان عادات پر قابو پانا چاہیے۔
شاہد کپور میں یہ تمام خصوصیات واضح طور پر موجودہیں۔

 

عاطف اسلم کا بُرج
موسیقی کی بات کی جائے تو پاک بھارت دونوں میں ہی عاطف کا کوئی مقابل نہیں۔ انکی جادوئی آواز نے سرحد کے پار جاکر اپنی پہچان بنائی۔ عاطف کے والدین نے تو انھیں ڈاکٹر بنا نا چاہا لیکن انھوں نے پنجاب کالج لاہور سے کمپیوٹر کی ڈگری حاصل کی۔ گاتے تو بچپن سے ہی تھے سکول کالج میں۔ اپنی پاکٹ منی جوڑ کر عاطف نے اپنا پہلا گانا ریکارڈ کیا ۔۔۔اور آج بھی انکو جب یہ بات یاد آتی ہے تو بہت خوش ہوتے ہیں۔ بالی وڈ میں ان کا پہلا گانا ۔۔۔وہ لمحے۔۔۔ بہت ہٹ ہوا۔ پاکستانی فلم ۔۔بول۔۔ میں کام بھی کر چکے ہیں۔
یہ کرکٹ کے دیوانے ہیں۔ جب یہ کلب میں کرکٹ سیکھا کرتے تھے، تو عمران خان انہیں خوب مشورے بھی دیتے۔ انکی خواہش تھی کہ پاکستان ٹیم کیلئے کھیلتے، لیکن قدرت نے باوجود سرتوڑ کوشش کے، موقع نہ دیا۔ گانے کے علاوہ تصویری خاکے بھی کافی اچھے بنا لیتے ہیں۔ عاطف کا کہنا ہے کہ وہ لوگوں کی آنکھوں میں دیکھ کر بھانپ لیتے ہیں کہ کو ن انکا دوست ہے اورکون نہیں۔ واہ! کاش یہ خوبی ہم میں بھی ہوتی۔ عاطف نے سارہ بھروانہ سے 2013ء میں شادی کی اور ایک بیٹے کے باپ بھی ہیں۔
بہت سے سینئر گلوکار، عاطف سے اس لیے بھی ناخوش ہیں کہ اس نے موسیقی کی باقاعدہ تعلیم حاصل نہیں کی۔ انڈیا کے گلوکار کنال گنجاوالا کو عاطف کی بالی وڈ میں بے پناہ شہرت پر غصہ تھا یا نہ جانے کیا تھا کہ وہ انکے پیچھے ہی پڑ گئے۔ اور عاطف کو بھارت سے نکلوانے کی کوششیں شروع کر دیں، لیکن خالی ہاتھ ہی رہے کنال صاحب۔ بہر حال جو بھی ہے، اس میں کوئی شک نہیں کہ عاطف اسلم انڈیا اور پاکستان کے نوجوانوں کے پسندیدہ سنگر ہیں۔
تاریخ پیدائش اور بُرج
آئیے ذرا عاطف اسلم کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 12 مارچ 1983 (عمر 35سال)۔ مقام: وزیرآباد، پاکستان
تاریخ پیدائش کے مطابق انکا برج حوت ہے۔ برج حوت کے لوگوں کے بارے یہ انکشافات ہیں کہ یہ لوگ جوشیلے، ہر فن مولا اور موسیقی کے شوقین ہوا کرتے ہیں۔ ساتھ ہی ساتھ عقلمند بھی ہوتے ہیں۔ لیکن لوگ انکی اچھائی کاغلط فائدہ اٹھانے کی کوشش کرتے ہیں۔ اگر یہ لوگ محتاط رہیں تو انکو کسی بھی غلط صورتحال کا سامنا نہیں کرنا پڑے گا۔
عاطف اسلم میں یہ تمام خصوصیات واضح طور پر دیکھی جا سکتی ہیں۔

 


اپنے تاثرات بیان کریں !