بُرج ثورکی مشہور شخصیات
ملکہ برطانیہ
یہ ملکہ الزبتھ میری کے نام سے جانی جاتی ہیں۔ برطانیہ کی موجودہ کوئین ہیں۔ یہ خاتون یونائیٹڈ کنگڈم میں بہت مقبول ہیں عوام انھیں انکے وقار اور سخاوت کی وجہ سے بہت پسند کر تی ہے۔ ملکہ نے کسی سکول سے تعلیم حاصل نہیں کی بلکہ انکی تعلیم کا سارا انتظام انکے گھر میں ہی کیاگیا تھا۔
برطانیہ کی تاریخ میں بادشاہت کے 63 سال مکمل کرنے والی یہ پہلی خاتون ہیں۔ پاسپورٹ کے بغیر دنیا میں کہیں بھی آ جا سکتی ہیں۔ اسکے علاوہ لائسنس کے بغیر گاڑی چلانے والی بھی یہ واحد خاتون ہیں۔ انھیں پپی (کتے کے بچوں ) سے بہت محبت ہے ۔ایک خا ص نسل کے کئی کتے انھوں نے پال رکھے ہیں۔ انکے پاس اپنا ذاتی شاعر بھی ہے جسے یہ ڈالر میں نہیں ، بلکہ شراب میں ادا ئیگی کرتی ہیں۔ جی ہاں ! شراب میں۔ ملکہ کو پبلک میں ہمیشہ اوورکوٹ پہنے ہوئے اور سر پہ دلکش ہیٹ رکھے ہوئے ہی دیکھا گیا ہے۔اس طرح وہ لوگوں کے ہجوم میں بھی با آسانی نظر آجاتی ہیں۔
الزبتھ نے ایک ہی شخص کو اپنا دل دیا اور انھی سے شادی کی۔ وہ شخص پرنس فلپ ہیں جو کہ انکے کزن بھی ہیں۔اپنےکزن سے شادی کرنے والی یہ پہلی شاہی لڑکی تھی۔ ملکہ اور ان کے شوہر نہایت اچھی صحت کے حامل ہیں، اور 100 سال کی عمر کے قریب ہیں۔ اپنا برتھ ڈے سال میں دو مرتبہ مناتی ہیں۔شازونادر ہی انٹرویو دیتی ہیں اور پبلک میں بہت کم بولتی ہیں۔آپ کو یہ جان کر حیرت ہو گی کہ ملکہ خوف خدا رکھنے والی بہت مذہبی خاتون ہیں۔ حضرت عیسیٰ کی تعلیمات پر مکمل ایمان رکھتی ہیں اورباقاعدگی سے چرچ میں مذہبی رسومات ادا کرتی ہیں۔ انھیں گھڑ سواری، کبوتروں کی ریس اور فٹ بال بہت پسند ہے بڑے اہتمام سے دیکھتی ہیں، بلکہ خود بھی حصہ لیتی ہیں۔
تاریخ پیدائش اور بُرج
آئیے ذرا ملکہ برطانیہ کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 21اپریل 1926 (عمر 92سال)۔ مقام: لندن
برج ثور کے لوگوں میں بہت سی نمایاں خصوصیات موجود ہیں جیسا کہ لوگوں کے کام آنا، راز رکھنا، کسی کا برا نہ کرنا ، کوئی بھروسہ کرے تو اسکی لاج رکھنا وغیرہ ۔ لیکن عام طورپر یہ لوگ زندگی میں سمجھوتا نہیں کرتے۔ کبھی بھی دوسرے کا پوائنٹ نہیں سمجھتے ، البتہ دوسروں سے امیدیں ضرورلگاتے ہیں ۔ اپنی چیزوں کے معاملے میں کافی حساس ہوتے ہیں۔ انھیں اس معاملے میں سوچنا چاہیئے۔
ملکہ برطانیہ میں یہ تمام خوبیاں دیکھی جا سکتی ہیں۔

 
 
مشہورثور شخصیات کے متعلق دلچسپ حقائق
ڈیوڈ بیکھم
کارل مارکس
جنرل ایوب خان
سگمنڈ فرائیڈ
سقراط
فلورنس نائٹ انگیل (نرسنگ کی بانی)
 
مشہورثور شخصیات کے متعلق دلچسپ حقائق
جنرل ایوب خان
سقراط
کارل مارکس
ڈیوڈ بیکھم
سگمنڈ فرائیڈ
فلورنس نائٹ انگیل (نرسنگ کی بانی)


 
 
 
ہوم پیج دیگر منتخب آرٹیکلز

علی ظفر کا بُرج
پاکستان کے چوٹی کے پاپ سنگر جن کے گانوں پر بچہ بچہ تھرک چکا ہےوہ علی ظفر ہی ہیں۔ لاہور میں پیدا ہوئے۔ پورا نام علی محمد ظفر ہے۔ علی کے والدین پنجاب یونیورسٹی میں پروفیسرز ہیں۔ علی ایک قابل سنگرہونے کیساتھ ساتھ ایکٹنگ اور پینٹنگ میں بھی اپنا لوہا منوا چکے ہیں۔ بڑی چھوٹی عمر میں گانا شروع کیا اور آہستہ آہستہ بولی وڈ اور ہولی وڈ تک جا پہنچے۔ علی نے نیشنل کالج آف آرٹس لاہور سے فائن آرٹس میں ڈگری حاصل کی ہے جسکی وجہ سے بہت اچھی پینٹنگز بلکہ پورٹرے بھی 20 منٹ میں بنا لیتے ہیں۔ یونہی پورٹرے بناتے ہوئے انکی ملاقات عائشہ فضلی سے ہوئی اور دونوں ایک دوسرے کی محبت میں ایسے گرفتارہوئے کہ2009 ء میں شادی کے بندھن میں بندھ گئے۔ ان کا ایک بیٹا اور ایک بیٹی ہے۔ عائشہ فضلی انڈین ایکٹر عامر خان کی دور کی رشتہ دار ہیں۔
علی بلاشبہ بہت ہینڈسم اور خوبرو نوجوان ہیں، تبھی انھیں ایشیاء کے دوسرے خوبصورت آدمی ہونے کےاعزاز سے بھی نوازا گیا۔ علی کو نہ صرف پاکستان بلکہ انڈیا میں بھی بہت پسند کیا جاتا ہے۔ گوگل پر ا نڈیا میں سرچ ہونے والے یہ تیسرے گلوکار ہیں، انکی فین فولونگ نے اے آر رحمان کو بھی پیچھے چھوڑ دیا ہے۔ علی پر سنگر میشا شفیع، جو کہ اداکارہ صبا حمید کی بیٹی ہیں، کی طرف سے زیادتی کے الزامات بھی لگا ئے گئے، جو کہ علی نے بے بنیاد قرار دیئے۔ لیکن حقیقت ابھی تک سامنے نہیں آئی۔ علی اور انکی بیوی کوایک بار اغواء بھی کیا گیا تھا لیکن پیسے لیکر چھوڑ دیا گیا، مجرم کا آج تک پتہ نہیں چل پایا۔
تاریخ پیدائش اور بُرج
آئیے ذرا علی ظفر کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 18 مئی 1980 (عمر 37 سال)۔ مقام: لاہور
تاریخ پیدائش کے مطابق انکا برج ثور ہے۔ برج ثور کے لوگوں میں بے شمار خوبیاں موجودہوتی ہیں جیسا کہ صبر، محنت، ذمہ داری، اور مستقل مزاجی۔ انکی تمام خوبیاں قابل تعریف ہیں لیکن یہ لوگ ذرا سا بھی سمجھوتہ نہیں کرتے۔ اپنے پیاروں کو کسی کے ساتھ دیکھ نہیں پاتے، اسکی وجہ سے انھیں مسائل کا سامنا بھی کرنا پڑتا ہے۔ کیوں نہ یہ عادت بدل دی جائے تاکہ سب ٹھیک رہے۔
علی ظفر میں یہ تمام خصوصیات واضح طور پر دیکھی جا سکتی ہیں۔

 

لیڈی گاگا کا بُرج
امریکی گلوکارہ جو دنیا بھر میں مشہور ہیں۔ اسکے علاوہ یہ اپنی حرکات و سکنات کی وجہ سے بھی لوگوں کی نظروں میں رہتی ہیں۔ لیڈی گاگا اپنے نت نئے اور عجیب و غریب کپڑوں کی وجہ سے کچھ لوگوں کی پسندیدہ ہیں تو وہی کچھ لوگ انکی بے باکی اور انداز کو بالکل پسند نہیں کرتے۔ لیکن ان صاحبہ پر لوگوں کی باتوں کا کچھ اثر نہیں ہوتا۔ الٹا ان کا کہنا ہے کہ اگر آپکی پرچھائی نہیں ہے تو اسکا مطلب ہے آپ روشنی میں کبھی آئے ہی نہیں۔ حد تو اس وقت ہوئی جب میڈم نے گوشت سے بنا ہوا لباس پہن کر ایک فنکشن اٹینڈ کیا۔ جی جی گوشت سے بنا ہوا سوٹ۔۔۔ یہ نہ تو کبھی کسی نے سنا اور نہ ہی دیکھا۔ لیکن لیڈی گا گا نے اپنا یہ شوق بھی پورا کیا۔
ان کا خاندان امیر نہیں تھا اور انکے والدین روزانہ بارہ گھنٹے کام کرتے تھے۔ مشہور ہونے سے پہلے لیڈی گاگا ایک انتہائی سستے گھر میں رہتی تھیں اور ایک سال تک انتہائی سستا اور غیر معیاری کھانا کھاتی رہیں۔ البتہ وہ مطالعہ کی شوقین تھیں۔ 19 سال کی عمر میں انہیں زیادتی کا نشانہ بنایا گیا، جس کی وجہ سے وہ ذہنی مریض بھی بن گئیں۔ اس صورتحال سے باہر نکلنے میں انہیں فیملی، دوستوں اور ڈاکٹروں کی بہت سپورٹ حاصل رہی۔
وہ شروع سے مائیکل جیکسن اور میڈونا سے متاثر ہیں۔ پیانو کی ماسٹر ہیں انھوں نے چار سال کی عمر میں ہی سیکھ لیا تھا، اور پیانو سے ہی انہیں گانے کا شوق پیدا ہوا۔ ہماری طرح انہیں بھی بگز بنی خرگوش کے کارٹون انتہائی پسند ہیں۔ آج بھی دیکھنے کا موقع مل جائے تو ضرور دیکھتی ہیں۔ یہ لکھتی بھی اچھا ہیں اب تک بہت سے گلوکاروں کیلئے گانے لکھ چکی ہیں۔ کھانا بھی بہت اچھا بناتی ہیں۔ یہ بندی اپنے مداحوں سے بہت محبت کرتی ہیں ایک بار انھوں نے اپنے مداحوں کیلئے 1000$ کا پیزا بھی خریدا۔
تاریخ پیدائش اور بُرج
آئیے ذرا لیڈی گاگا کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 28 مارچ 1986 (عمر 32 سال)۔ مقام: نیویارک امریکہ
تاریخ پیدائش کے مطابق انکا برج حمل ہے۔ برج حمل کے لوگوں میں ہمت، بہادری اور جوش بھرا ہوتا ہے۔ یہ لوگ پر امید رہتے ہیں، چاہے حالات کیسے بھی ہوں۔ لیکن جو چیز انکے لیے بار بار مصیبت بنتی ہے وہ انکا غصہ ہے۔اگر یہ خود پرقابو پا لیں تو انکے راستے ہموار ہوسکتے ہیں۔
لیڈی گاگا میں یہ تمام خصوصیات واضح طور پر دیکھی جا سکتی ہیں۔


اپنے تاثرات بیان کریں !