بُرج سرطان کی مشہور شخصیات
پریانکا چوپڑا
پریانکا چوپڑا جو کہ پگی چوپس کے نام سے بھی جانی جاتی ہیں، ہولی وڈ اور بولی وڈ دونوں کی ہی چہیتی اداکارہ ہیں ۔ امریکا کے اہم شہروں میں بل بورڈز پر ان کی تصاویر نظر آتی ہیں۔ یہ مس ورلڈ کا اعزاز بھی حاصل کر چکی ہیں۔ پریا نکا کو بیوٹی ود برین بھی کہا جاتا ہے۔ یہ اکیلی کئی مردوں سے زیادہ طاقتور ہیں، کراٹے سیکھ رکھے ہیں انھوں نے اور وقت آنے پہ کسی کو بھی پچھاڑ سکتی ہیں۔ اپنی فلموں میں بھی تمام ایکشن خود کرتی ہیں۔ عام خواتین کی طرح نازک نہیں ہیں، ہمت والی ہیں بہت۔ انجینئر بننا چاہتی تھیں لیکن ایکٹر بن گئیں۔ اپنے میک اپ پر زیادہ خر چہ نہیں کرتیں، زیادہ ترسادہ رہنا انھیں پسند ہے۔
غیر ملکی ایکٹر بھی انکے اسیر ہیں اوران کے ساتھ کام کرنے کے خواہشمند ہیں۔ اب انہوں نے امریکی اداکار نک جونز کو اپنا جیون ساتھی منتخب کر لیا ہے۔ اداکارہ کا کہنا ہے کہ وہ شادی کے بعد فلموں میں کام کرنا چھوڑ دیں گی۔ ان کے مداح یہ بات کیسے برداشت کریں گے، یہ تو آنے والا وقت ہی بتائے گا۔
پریانکا ایک معروف میگزین ایلےکے لیے ہر ماہ باقاعدگی سے کالم بھی لکھتی ہیں۔ انہیں کھانے کا بھی بہت شوق ہے لیکن مزے کی بات یہ ہے کہ انکے جسم پر موٹاپا نہیں چڑھتا۔ پریا نکا کو گاڑیوں کا بہت شوق ہے، تبھی نت نئی گاڑیاں خریدتی رہتی ہیں۔ جتنی کامیاب یہ ہوئی ہیں اتنی کامیابی بولی وڈ کی کم ہی اداکاراؤں کو ملی ہے۔ فلاح و بہبود کے کاموں میں تو تمام ستارے حصہ لیتے ہیں، لیکن یہ سب سے بڑھ چڑھ کر انسانیت کی بھلائی کے کاموں میں کوشاں ہیں۔
تاریخ پیدائش اور بُرج
آئیے ذرا پریانکا چوپڑا کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 18 جولائی 1982 (عمر 35سال)۔ مقام: جمشید پور، انڈیا
بر ج سرطان کے لوگوں کی شخصیت کو سمجھنا کافی مشکل ہو تا ہے۔ یہ لوگ انتہائی جذباتی اور حساس طبیعت کے مالک ہوتے ہیں اور اپنے گھر اور فیملی کے معاملات کی بہت دیکھ بھال کرتے ہیں۔ یہ لوگ ذرا شکی طبیعت کے حامل بھی ہوا کرتے ہیں جسکی وجہ سے ہر بندے پر شک کرتے رہتے ہیں۔ اگر یہ لوگ اپنی شک کی عادت چھوڑ دیں تو بہتر زندگی گزار سکتے ہیں۔ انکی وفاداری انکی طاقت ہوتی ہے۔
پریانکا چوپڑا میں یہ تمام خصوصیات دیکھی جا سکتی ہیں۔

 
 
مشہورسرطان شخصیات کے متعلق دلچسپ حقائق
فلمسٹار ندیم
حضرت مجدد الف ثانی
راک فیلر (سب سے امیر تاجر)
دلائی لامہ
سائنسدان ٹیسلہ
مشہورسرطان شخصیات کے متعلق دلچسپ حقائق
حضرت مجدد الف ثانی
دلائی لامہ
فلمسٹار ندیم
سائنسدان ٹیسلہ
راک فیلر (سب سے امیر تاجر)


 
 
 
ہوم پیج دیگر منتخب آرٹیکلز

مریم نوازکا بُرج
سابق وزیر اعظم نواز شریف کے خاندان کی چشم و چراغ، جنہوں نے نوازشریف کی نااہلی کے بعد اپنے والد کا سائے کی طرح ساتھ دیا۔ پر کشش شخصیت ر کھنے والی مریم نواز پاکستانی سیاست کی مشہور ترین خواتین میں شامل ہیں۔ الیکشن 2018ء کے انتخابی جلسوں میں انکی گرج چمک نے بہت شہرت حاصل کی۔ مریم بچپن سے ہی اپنی بات منوانے کے ہنر میں کمال رکھتی ہیں اور انکی یہی خوبی سیاست میں انکی کامیاب انٹری کا باعث بنی۔
ان کے دادا میاں شریف، ایک صنعت کار اور اتفاق گروپ کے بانی تھے، جبکہ پرنانا گاما پہلوان، برصغیر کے مشہور پہلوان تھے۔مریم نے ابتدائی تعلیم کانونٹ سکول لاہور سے حاصل کی۔ بعد ازاں کنگ ایڈورڈمیڈیکل کالج لاہور میں داخلہ بھی لیا، لیکن میڈیکل کی تعلیم مکمل نہ کی۔ کیپٹن محمد صفدر اعوان کے ساتھ 19 سال کی عمر میں شادی کی۔ ان کے تین بچے ہیں۔ مریم نواز کے دو بھائی، حسین اور حسن نواز اور ایک بہن، عاصمہ ہیں۔ عاصمہ علی، سابق وزیر خزانہ اسحاق ڈار کی بہو ہیں۔
مریم نواز کو اپنے والد کی سیاسی جانشین کے طور پر دیکھا جارہا تھا، کیونکہ ان کے دونوں بھائی سیاست میں دلچسپی نہیں رکھتے۔ لیکن قدرت کو کچھ اور ہی منظور  تھا اور آج کل مریم ناجائز اثاثے بنانے کے جرم میں اڈیالہ جیل میں اپنے والد اور شوہر کے ساتھ قید بامشقت کاٹ رہی ہیں۔ مریم نواز کا اپنے والد کے دورحکومت میں حکومتی معاملات میں گہرا اثرورسوخ تھا۔ انہوں نے ن لیگ کا سوشل میڈیا سیل بھی چلایا، مریم اورنگزیب کو وزیر بھی انہوں نے ہی نامزد کیا تھا۔
تاریخ پیدائش اور بُرج
آئیے ذرا مریم نواز کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 28 اکتوبر 1973 (عمر 44 سال)۔ مقام: لاہور
تاریخ پیدائش کے مطابق انکا برج عقرب ہے۔ برج عقرب کے لوگوں میں بہت سی خصوصیات ہوتی ہیں جیسے کہ وفادار اور مخلص دوست ہونا۔ اسکے علاوہ بہادری اور جوان مردی بھی ان لوگوں کا خاصا ہوا کرتی ہے۔ انہیں سمجھنا آسان نہیں ہوتا۔ انھیں اپنے غصے اور جذبات پر قابو پانے کی ضرورت ہوتی ہے۔

 

مولانا طارق جمیل کا بُرج
مولانا طارق جمیل، پاکستان کے معروف ترین اسلامک سکالر ہیں۔ پوری دنیا میں تبلیغ کے ذریعے لوگوں کو اسلام کے راستے پر لانے کے لیے کوشاں ہیں۔ پوری دنیا میں اسلام کو امن وامان اور عزت دینے والا دین ثابت کرنے میں طارق جمیل صاحب کا بہت بڑا ہاتھ ہے۔ ہماری اور آپکی طرح یہ بھی ایک عام نوجوان تھے لیکن خدا جب کسی کومنتخب کر لیتا ہے تو انسا ن کے بس میں کچھ نہیں رہتا۔ گورنمنٹ کالج لاہور سے ایف ایس سی پری میڈیکل کرنے کے بعد انھوں نے ایک تبلیغی جماعت کا حصہ بننے کا فیصلہ کیا۔ گو کہ والدین نے لاہور ایم بی بی ایس کرنے بھیجا تھا لیکن انھوں نے سب کی مخالفت برداشت کی اور اپنا راستہ ہی بدل ڈالا۔ قرآن سیکھا، حدیث سیکھی، سنت پڑھی اور پھر لوگوں کو اپنی باتوں سے اسلام کی طرف لانے کی کوششیں شروع کر دیں۔
تبلیغ کے کام میں انکا ساتھ انکی باکمال آواز نے دیا، جسکی وجہ سے یہ دوسروں کے دل میں اپنی بات بخوبی اتار لیتے ہیں۔ طارق جمیل صاحب بہت سے لوگوں کی توبہ کی وجہ بن چکے ہیں خواہ وہ جنید جمشید ہو، وینا ملک ہو یا انضمام الحق۔ جیلوں میں جا کر بھی لوگوں کو سیدھے راستے پر آنے کی تلقین کرتے رہتے ہیں۔ انکی تقریروں کی خاص بات یہ ہے کہ لوگوں کو انکی زندگی سے ہی مثالیں دیتے ہیں جو کہ ہر شخص بہتر طریقے سے سمجھ پاتا ہے۔
تاریخ پیدائش اور بُرج
تاریخ پیدائش: 1 جنوری 1953ء (عمر65 سال)۔ مقام: میاں چنوں، پاکستان
آئیے ذرا طارق جمیل کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج جدی ہے۔ برج جدی کے لوگ ایمان کی روشنی سے لبریز ہو تے ہیں۔ انھیں خود پر قابو ہوتا ہے اور ذمہ دار بھی ہوتے ہیں لیکن تھوڑے سے شرمیلے ہوتے ہیں۔ انھیں اپنی صلاحیتوں پر بھروسہ رکھنا چاہیئے۔
طارق جمیل صاحب میں یہ تمام اوصاف واضح ہیں۔


اپنے تاثرات بیان کریں !